Mateo 25:41 - Sharanahua: Diospan Tsain

^41-43 Ascashon nan ua icoinra huamafo tiri futsa niafoan un ato yoiqui isca huashquin, “Manfin ua chaca huamisiquin. Un fonainfiaitocai man ua pimamisima. Un nomiaitoricai man ua ahuara ayamamisima. Un matoqui nocofiaitocai ua oinyamafiamisishaquin man ua pimayamafain un sahuutiromafiacuri man ua sahuumamisima. Un isinincaitoricai man ua cushumisima. Ua cunu muran iquimanafoanno cai man ua oincamisima. Ascacun umaquinoashu fotacahuun. Nan yoshin chaca Satanás yafi afu yoshin chaca futsafo Upa Diosin ato chi urumanhuan itishara huashoan nannori mato potai. Nannoashu nanfoya man omitsiscapashquin,” ishon un ato yoiaiton.

Mateo 25:41 Referans Kwoze

2 Pedro 2:4

Upa Diosin ahuun oinmati afu ica atirififoan chaca huapaoni. Ascaifoancai Diosin ato rau huanima. Ascafia Diosinmaquinoashucai tsoa raquishta ichotirofoma. Ascashon ato faquishihuan muran potani raqui fononfoma. Nanno faquishihuan muranshon mananonfo Diosin nantifi nan Jesús icoinra huafoma onaintimaitian atorifi fuopacufoannafo muran potashquin.

Mateo 13:42

Ascashon nan omitsiscapanacafo chi urumanhuan muran ato potano nannoashu fasi uaicani omitsiscacoinshcani.

Mateo 13:40

Nan faasi mushashon coafo cuscan huaquin. Nan manifoti cuyoaitian.

Juan 8:44

Nanfin maton upa Satanasquin. Ascan maton upan apaiyai cuscan marifi man huapaiquin. Aafin taui rutumitsamisi ipaoniquin. Iconcai yoimisima. Atocai ahuara icon yoimisima. Ahuun nomuran chani fusti shinantiro. Nanscashori chani fusti yoitiro. Afin chanimisicoinquin. Chanimisifoan aton apacoin.

Mateo 7:23

Ascaifoan un ato cayacafi cumaqui isca huashquin, “Mancai uhuun yorafo imisima. Manfin paramisifoquin. Chaca fustisi man huamisi. Ascacun umaquinoashu fotacahuun,” un ato huashquin.

Mateo 3:12

Ascano naantorifi chipo a icoinra huafo yafi a nicacasmaifo ato pashcanan huaashquin. Nan icoinra huafosi a icari ato ihuicoinshquin afu isharapacushanonfo. Ascan nan nicacasmamisifo chi urumanhuan muran ato potai anoashu omitsiscai unupacunacafomaran, —ishon Juanpan nan Fariseofo yafi Saduceofo yoini.

Hebreos 6:8

Ascafia mau futsan ifoan fanayamaino yono foaitamarocon totoshmoshafosi foaitiro. Nanscara mau chaca foaitiro. Ascashon afanan tsoan fipaiquima coatiro coonon. Nanscarifiai tsoan Diosin tsain nicafafaifiai yoia cuscan atama ahuun tsain cachiquiri huacoincun nanscarafo Diosin omitsiscapanacafo muran potashquin.

Mateo 13:50

Ascashon nan chacafoti chi urumanhuan muran ato potashquin nannoashu uaiqui fasi omitsiscapashanonfo, —ishon Jesús ato yoini.

1 Juan 3:10

Ascan ratofomain Diospan facufo iyamarai Satanás ahuun yorafoquin non tapitiro. Tsoa Diosin yoia cuscan aimacai ahuun facu itiroma. Tsoan futsafo noiamacai arifi Diospan facu itiroma.

Lucas 16:24

“Uhuun Upan, Abraham, uhuun ramapaihuu. Ua Lázaro nichishohuun. Ahuun mutotinin ua ana muchana huanyonon. Un nunoshon chii isin tunuimaquin,” ishon cunaiton.

Lucas 13:27

Ascafiaifoan afanan ato cumaquin isca huashquin, “Mancai uhuun yorafoma. Uncai matofu rafumisima. Manfin chaca huamisifoquin. Ascacun umaquinoashu fotacahuun,” ishon ato yoishquin.

Mateo 25:46

Un ato nannori yoiaino umaquinoashu omitsiscapanacafo muran foshcani. Ascaino nan ua icoinra huafo uhuun Upa Diosin aton chaca soashonafo un icano ufu foshcani ufu ipashcaquin, —ishon Jesús ato yoini.

Mateo 18:8

Ascano mato mucuman man chaca huacun mushatumushon potacahuun afanan chaca huashquima. Man raquira caquin chaca huashon mato tau shatuhuu potashquin afanan chaca huashquima. Man mumamafiashu Dios icano caafin sharacaiqui. Mumafiashu man omitsiscapanacafo muran cacuana. Nanno chii urumanhuan matsinacama.

Mateo 5:22

Cayacafi anori yonofianicun un mato tsain futsa cayacafiri yoinon. Oinfain. Tsoa futsaqui sinaiton a niaifo ari iyotiro a onaintimanon. Ascan tsoan futsaqui tsain chaca huaiton isca huaquin, “Mincai ahuama. Min ahua tapiamaran,” ishon yoiaiton niaifofo ari iyotiro a onaintimanonfo. Ascafia tsoan futsa chaca huai isca huaquin, “Minfin mapo chacaquin. Min nisoncoinran,” huaiton Diosin a omitsiscapanacafo muran nan chi muran potatiro anoashu capashononma.

Salmos 139:19

Upa Diosin min nan yora chacafo cuyoa shara icuana. ¡Yora chacafoan man futsafo rutumisiquin umaquinoashu fotacahuun!

Mateo 4:10

Afanan Jesús cumaqui, —Diospan tsain cununiri “Nan nocon Ifo Diosin fustifin non ratoconun mai chachishotiroquin. Nan fustimain nocon Ifocun,” ishon cununi. Ascan umaquinoashu cariscatahuun Satanás, —ishon Jesús yoini.

2 Tesalonicenses 1:7

Ascashu nocon Ifo Jesús mai ano nasoaitian noco numai oshquin non afanan omitsiscapanonma. Nan oaitianri ahuun oinmati mutsisipafori nai ariashu afu fotoshcani. Ascaino nantifi ahuun yora nan cuscara sharacoinfo aqui unimacaquin ahuunoa non yoiquin isca huashquin, —¡Aicho! Nocon Ifo Jesús tsoa futsacai mia cuscarama. Min nantifi finoncoian. Min sharacoin. Non mia noiran, —ishon non yoishquin. Ascan non mato Jesushuunoa yoipaoni cuscan man man icoinra huaa. Ascashu nan Jesús nocoaitian marifi man noco futan yoisharashquin. Ascan nantianri Apa Dios icoinra huayamafain ahuun tsain shara ahuunoa yoiaifo cuscan nicacasmamisifo omitsiscapanacafo muran ato potashquin. Anoashucai tsoa raqui fopanacama. Nocon Ifo Jesús icanoricai nocopacunacafoma. Ahuun curush shararicai tsoan oinnacama.