Mateo 25:32 - Sharanahua: Diospan Tsain

³² Ascashu nantifi manifotifi uqui fushcani. Chashoan cushumisiton ahuun chashoanfo yafi nan chashoan ointsafo aton anu cabra aton ichanan huai. Nan chashoanfosi tiri futsa huafain nan cabrafori tiri futsa huai.

Mateo 25:32 Referans Kwoze

Mateo 13:49

Nanscarifiai manifoti cuyoaitian Diospan oinmatifo afu nai muran icafo nococashon nan chacafo yafi sharafo pashcanan huashcani.

2 Corintios 5:10

Ascan nan non icoinra huafoti Cristoqui non nocoshquin. Nantianri noco yoipacushquin non mai ano niyoshon shara huayamaraquinmain non chaca huamisiquin. Non ahuara shara huamisicun ahuara sharacoin noco inanshquin. Asca non ahuarashta chaca huamisicun ahuara shara noco inanpaifiaquicai noco inantiroma. Ascashu funoshcani.

Mateo 3:12

Ascano naantorifi chipo a icoinra huafo yafi a nicacasmaifo ato pashcanan huaashquin. Nan icoinra huafosi a icari ato ihuicoinshquin afu isharapacushanonfo. Ascan nan nicacasmamisifo chi urumanhuan muran ato potai anoashu omitsiscai unupacunacafomaran, —ishon Juanpan nan Fariseofo yafi Saduceofo yoini.

Juan 10:14

Unfin na chashoanfo cushumisi shara cuscaraquin. Cushumisinin ahuun chashoanfo onancoin ato cushusharamisi. Urifi ua icoinra huafo un ato cushusharamisi. Uhuun Upa Diosin ua onancoin. Urifi uhuun Upa un onancoian. Nanscarifiai ua icoinra huafo un ato onancoin. Nanfoanrifi ua onancoincaniquin. Un atohuunoashu naashquin.

Salmos 1:5

Ascacun nan Ifo Diosin yoiaitian ratofomain a fu ipatirofo iyamarai omitsiscapanacafo muran focanicai nan ahuun tsain nicacasmafofin Ifo Diosin ato yoiquin isca huaiquin, —Man nuno u fu itiromaran, —ishon ato yoishquin. Nan chaca huamisifocai Diospan yorafo fu itiroma.

1 Corintios 4:5

Jesús icoinra huafoti Upan Diosin noco ichanan huataima. Ascan isca huaquin yoiyamacahuun —Nacai Diosin yonoa cuscan aimaran, —ishon anori shinanyamacahuun. Oinyocaquin. Nocon Ifoan noco ichanan huaitian nantifi noco puashoshquin nantifiton ointaifi ratofoanmain icoinra huaa iyamarai icoinmaran huaaquin. Ascatari nan non ichanaintian nantifiton ointaifi nocon nomuran non shinanmisi cuscan huafain nocon Ifon Jesucristo noco puashoshquin. Afanancai nantiantan non ahuashta fomantiro ishquima. Diosinmain nantifi onancoincufin. Nan non ahuara futsa shara huashopaifain onushta ahuara non chaca huafiamisi nanfori Diosin noco puashoshquin. Nantianri non shara huacun Diosin yoiquin isca huashquin, —¡Aicho! Un mia yonoa cuscan min amisi. Min shara huamisiran, —ishon noco yoishquin.

Romanos 2:16

Nantififain aton nomuran shinanmisifo cuscan Upa Diosin tapicoian. Nan shinanmisifo cuscan fomanfiainfoan nocon Ifoan nantifi ato puashoshquin. Upa Diosin ahuun Furun Jesucristohuunshon ato onaintimashqui. Nannori Diospan tsain sharahuunoa un mato yoi.

Romanos 2:12

Nantifiton chaca huamisicun ato onaintimashqui. Uhuun caifo Israelifoanma atirifiton Upa Diosin tsainquin cununifo cuscan oinyamafiamisishaquin ahuara shara aton nomuran tapiafo. Tapifiacashon shara huamisifoma. Chaca huafiacatan aton nomuran shinanquin isca huamisifo, —Un chaca huaran, —iyamarai, —Uncai chaca huamaran, —ishon shinancani. Ascacun chaca huaifoan ato onaintimashqui. Ascashu omitsiscapanacafo muran foshcani. Ascan uhuun caifo Israelifoan Upa Diosin yononi cuscan noco cunushoni cuscan non aya. Tsoan man tapifiashon chaca huaiton nan yononi cuscan huaquin ato onaintimaicain nan omitsiscapanacafo muran foshcani. Diosin tsain cununi cuscan nicafiashucai ascacoianfoma ato imasharanon. Ascano Diosin yononi cuscain ato yoishquin, —Min shararan, —ishon ato yoishquin.

Juan 10:27

Ua icoinra huafoan ua nicasharatiro. Un ato onancoianno ua tanafo.

1 Samuel 2:10

Tsoan nocon Ifo Diosi noicasmaquin aqui chaca huaiton Diosin ato omitsiscamacoin. Diosin nan icanoshon ahuun tsain curush turuica nicatsa ato shatumashquin. Nocon Ifo Diosin nantifi manifoti anoafo ato yoipacushquin isharamisifo iyamarai chaca huamisifo. Nan Diosin catoan fusti ato niaifocoin iishquin. Diosin ahuun curush nan niaifo inain. “Nanfin mato niaifocoin. Uhuunshon mato iquiniran,” ishon nocon Ifo Diosi nan niaifohuunoa nantifi yorafo yoishquiran, —ishon Anapan cufini.

Mateo 28:19

Ascacun manifoti anoafo yoifoanfafaitacahuun ua icoinra huafain ua tanasharanonfo. Uhuun Upa Diosin ahuun anuhuunshon yafi uhuun anuhuunshon non Diospan Yoshin Sharahuunshonri yorafo unu muran iquimashcaquin.