Mateo 24:35 - Sharanahua: Diospan Tsain

³⁵ Ascaino nai yafi mai cuyoshquin. Uhuun tsain cayacafi iconcoin fiananancai apanacama. Un mato yoiai cuscacoin aashquin.

Mateo 24:35 Referans Kwoze

1 Pedro 1:25

Ascafia nocon Ifoan ahuun tsaincai ascarama. Nocon Ifoan noco yoia cuscan nan iconcoin cuyopacunacama.” Nan tsain shara Jesushuunoa futsafoan mato yoimisi.

Mateo 5:18

Un mato shafacafi yoi. Diospan tsain cunushoni cuscan nannorifi Diosin yonoi. Ato yonoquin cunushopaoni cuscan nan fustishtacai funopacunacama. Nai yafi maitio cuyoyamainon nanscasi apanaca ahuun tsainri inonpacoai cununshoni cuscan nantifi fustishtacai cuyopacunacama aqui tau huani cuscan.

Salmos 19:7

Nocon Ifo Diosin ahuun tsain nan noco yononi cuscan fasi shara. Noco yononi cuscan fustishtacai chacama. Ahuun tsainhuunshon non tapisharatiro noco nantifi cushusharafain oinmasharafain noco unimamaiton. Ahuun tsainmansi noco nimapacutiro.

Apocalipsis 3:14

Ascatan afanan Jesús ua yoiqui isca huaa, —Ua icoinra huafo Laodicea anoa aton Diosin tsain yoimisi un yoipaiyai cuscan ua cunushoquin isca huai. “Unquian, un maton Ifo Jesús, un mato yoisharapai man tapinon. Upa Diosin ua amapaiyai cuscan fustisi huamisishaquin uhuun tsain un mato yoinon. Urifi nan icon fustisi un yoimisi. Ascan Upa Diosin nantifi onihuanifoti aton niaifofin unquin. Ascacun un mato yoiquin isca huai.

Apocalipsis 6:14

Nainhuan miscoacunfoanni ointsa yamariscatanaino machihuan yafi mai toomanhuan naiyanaiyaicaino futsa ano shucucaina.

Apocalipsis 20:11

Ascatan tsaoti oshopa uhuapacoin un oian. Nanno Upa Diosin tsaoan. Ahuunoashu nantifi mai anoafo non nai murannoari cuyoi futsui. Ascashu nantifi yorafo nai futsui. Diosiqui onupaifiai tsoan onutiroma.

Salmos 119:89

Ifon, min tsainfin ipanacaquin. Nan nai muran mi fu icafoan yoimisifo cuscan min tsaincai fianananpacunacama.

Marcos 13:31

Nocon nai yafi mai cuyoai cuscan fianananain futsuin. Uhuun tsain ascatamarocon cayacaficoin. Iconcoin. Uhuun tsain un mato yoiai cuscan nanscacoin aiquin. Fianannanpacunacama.

Lucas 21:33

Ascaino nai yafi mai cuyoshqui. Uhuun tsain cayacafi iconcoin. Fiananancai apanacama. Un mato yoiai cuscacoin aashquin.

Daniel 4:28

Ascan nan niaifo Nabucodonosor namani cuscan nanscacoin aani.