Mateo 23:39 - Sharanahua: Diospan Tsain

³⁹ Ascacucai man ua afanan oinnacama nan Diosin matoqui nichian un nai murannoashu oaitian. Man yoiqui isca huaino, “Dios nocoqui nichian fasi shara finacaia. Upa Diosin a shara huapanacaran,” ishon man uhuunoa yoishquin, —ishon Jesús ato yoini ahuunoa.

Mateo 23:39 Referans Kwoze

Mateo 21:9

Ascano nan yorahuanrasi afufori foaifo futan acachori foaifoan nantififain oi ashcafinin yoinifo. ¡Aicho! David nocon niaifo ipaoniton ahuun funa nocoqui oi. Nanfin Dioshuunoashu nocoqui oiquin. Ascacun Upa Diosin nan shara huahuu, ishon yoinifo.

Romanos 11:25

Uhuun yoramishtichin, tsain futsanhuunoa man shinanmisima un mato tapimai maton nomuran man shinanon. Nan tapianshu cacapaimisi man inonma. Icon natian uhuun caifo Israelifoan aton ointi curushu Diospan tsain shara Jesushuunoa nicacasmacani. Ascafia uhuun caifomafoan ahuun unutaqui Jesús icoinra huaifoan Upa Diosin ahuun yora imashquin. Nantianricai afanan uhuun caifoan nicacasmamisi ishcanima. Ascano nantifi Israelifoan Jesús icoinra huaifoan Upa Diosin ato numai ahuun yorafo inonfo. Nannori nocon shuni Isaías cununi isca huaquin, “Nocon Numamisi Sión ano icaquin. Afin Israelifo numai oi afanan chaca huanonfoma.

Juan 8:56

Maton shuni Abraham, yoini, “Un chipo Cristo ointiro. Oianshu un fasi unimashquinran,” ishon yoini. Ua oinni ascan fasi unimani, —Jesús huaiton.

Juan 8:24

Un mato yoiai cuscan maton chaca potayamashu nanscasiai man nai. Un mato uhuunoa yoia cuscan icoinra huayamashu maton chaca ya man nai. Man naino maton chaca mato ya ipanaca, —ishon Jesús yoini.

Juan 8:21

Ascan tsoancai achinifoma Jesús afanan nocon caifo aton niaifofo yoini. —Un chipo chai cai. Un caino man ua funafiaquicai man ua fuchishquima. Maton chaca potayamashu nanscasiai man nai. Ascaiton un cai anori cai man catiroma, —ishon ato yoini.

Lucas 17:22

A fu rafuafori yoiqui isca huani, —Chipo un mato anoashu matomaqui caano fasi man ua shinancoinquin yoishquin isca huaquin, “Nocon Ifo no fu ipainon. Fasi non oinpaicoinran,” ishon yoifiaquicai man ua oinshquima.

Juan 14:19

Un nuno iqui chaima. Ua icoinra huafoma ua oinyoshcanima. Ascan manfin ua oinshquicai. Nan un nipaino marifi man nipanaca.

Juan 14:9

Ascaiton Jesús cumani, —Felipen, Un fasi matofu ipaifiamisicun. ¿Ahuuscain mian onanyomisimamun? Nan tsoan ua oinquifin uhuun Upari oinquin. ¿Ahuuscain ua “Upa oinmahuu” mian huaimun?