Mateo 23:37 - Sharanahua: Diospan Tsain

³⁷ ¡Ohua! Jerusalén ano icafoan. Manfin Diosin tsain yoimisifo rutufain nan Diosin matoqui nichian futsafori man toquirinin ato tsacaqui nanonfo. ¡Ohua! Tacaranun ahuun facufo ahuun pui naman onutiro cuscan huaquin un mato yorafoya cushupaifia mancaifin ua nicacasmamisiquin. Manricai uqui fumisima un mato cushunon.

Mateo 23:37 Referans Kwoze

Salmos 91:4

Tacaranun ahuun facufo ahuun putao nonanmanri cushua cuscan nocori nocon Ifoan cushua ahua chaca nocoqui nocononma. Non afu rafuashucai non ahuara chacaquin ratuima. Nococai raqui potayamafain noco cushua ahuara chacacai nocoqui nocotiroma noco chaca huamashquin.

Salmos 63:7

Min ua shara huamisi. Ascan min ua cushuaino un minhuunoashu fanainmisi.

Mateo 23:30

Ascashon man yoimisi isca huaquin, “Nocon shunifoan Diosin tsain yoimisifo rutunifo cuscan nantian norifi niyoshocai non ato rutu cuanimaran,” ishon man yoimisi.

Mateo 22:3

Ascano man itisharashon ahuun oinmatifo nichini nan ato chani huaifo ato ihuitanonfo. Ascafiacai tsoan opainima. Fucasmarocon anifo.

Salmos 57:1

Uhuun Diosin un miqui oa min ua cushunon. Ascacun uhuun ramapaihuu, ua shinanpun. Natian ahuarafoan ua omitsisca huamapai. Nan tacara facumishti ahuan putaon muran onutiro ato cushuquin. Nanscarifiai un miqui oa min ua cushusharanon.

1 Tesalonicenses 2:15

Ascashon nocon Ifo Jesús rutufain ahuun tsain yoimisifori rutunifo. Ascano nocorifi atomaquishon potanifo. Noco asca huaifoan oincai Upa Diosin atoqui unimaima. Nantifi yorafo chaca huapaicani. Nocori shatumapaicani non nocon caifoma Jesushuunoa yoinonma ato numapaiquin Dios fu ipanonfo. Ascashocai Dios chaca huaquin unumisifoma. Ascaifoan oinquin Diosin afanan tunuyamacaiquin ato fasi onaintimai.

Mateo 22:6

Ascan atiri nanno nituafoan niaifoan ahuun oinmatifo achicashon ato sutufain atirifi ato rutucoinnifo.

Apocalipsis 17:6

Nan ainfon furoma cuscara Jesús icoinra huafo ichapa nan Jesús uhuun Iforan huamisifo ato rutumamisi un oian. Un na ainfo oin un mustairia. Un yoia, —¡Ajaa! Ascaran ainfon chaca un oinyomisimaran, —ishon un yoia.

Lucas 15:28

Ascaiton nicai iyoa fasi sinacoin pushu muran iquinima. Ascaino chifi catan apa ahuun facu iyoa yoini, “Upashtan, pushu muran iquiyopun. Min ushto rama noco sharaquin,” ishon yoiaiton.

Mateo 23:31

Ascan nan man yoia cuscan icon. Maton shunifo rutumistsamisifoan. Marifi man ato cuscaracoin.