Mateo 22:24 - Sharanahua: Diospan Tsain

²⁴ Ascan nanfo Jesusqui fucashon yocanifo, —Tapimamisiton, noco shuni Moisés noco cunushoqui isca huani, “Nan ratoran futsa ahuin futan facu acashma naano afu nanua futsan ahuun facahua fitiro a futan facu aashqui,” ishon cununi.

Mateo 22:24 Referans Kwoze

Lucas 20:28

—Tapimamisiton, Noco shuni Moisés noco cunushoqui isca huani, “Ratoran futsan ahuin futan facu acashma naano afu nanua futsan ahuun facahua fitiro a futan facu aashquin,” ishon cununi.

Marcos 12:19

—Tapimamisiton, Moisés noco cunushoni isca huaquin, “Nan ratoran iyoa naano ahuun ahuin facuoma imisino chipocuton fishon a futan facu ashquin,” ishon cununi.

Lucas 6:46

¿Ahuuscai Ifo ua huafiamisishaquin un mato yoia cuscan man aimamun?

Mateo 22:36

—¿Tapimamisiton, Moisés Diosin yonoa cuscan cununi. Ascan nan ratocaimun fasi shara finacaiaquin? —ishon yocaifoan.

Mateo 22:16

Ascashon Herodes ahuun tanamisifo yafi atohuunshon tapimisifori Jesusqui nichinifo cucun huaquin yocatanonfo. Ascano focashon yocaqui isca huanifo, —Tapimamisiton, man non tapian min icocoin fusti noco yoifafainmisi. Upa Diosin noco amapaiyai cuscan nannoricoin min noco cayacafi yoimisi. Mincai ahuara yoipai ranomisimari. Nan min noco yoiai cuscan cayacafi min yoimisi. Ahuaricai min fomamisima. Yora ahuaton cunama min yoimisi cuscan huaquin niaifofori min yoitiro.

Mateo 7:21

Ascano atirifiton ua Ifo huafiashucai uhuun Upa Diosin ato amapaiyai cuscan amisifoma. Nan cuscarafo Upa icari nocotirofoma. Nan uhuun Upa nai ari icaton afi ato amapaiyai cuscan huamisifo nanfo fusti uhuun Upa ari nocotirofo afu nipashcaquin.

Génesis 38:11

Ascatan Judá ahuun facahuan yoini, —Min funuoma iyotiro uhuun facu yosiyoaitian mi fu fiananshquin. Natian min upa pushuano min cayotiroran, —ishon Judá Tamar yoini. Ascashon ahuun nomuran shinanni, —Uncai uhuun facu Sela fimapaima arifi amaqui natiroran —ishon shinanni. Ascano Tamar apa pushu ano cani.

Génesis 38:8

—Min ochi ahuin sharahuashu a fu fiananhuun. Ascan min ochihuunshon aqui facu oni huahuun. Min asca huaino ochin ahuun funafo caitiroran, —ishon apa Judá yoini.

Mateo 22:25

Un mia yoinon. Siete nanupacuafohuunoa. Nanfo nocofu iyopaonifo. Aton iyoacoin ahuinyain tauni. Ascafiashon a futan facu acashma nani. Ascano chipocuton ahuun facahua fiini.

Lucas 20:33

¿Ascan ratotocaimun nai muranshon nan yorafo naashu funiaifotian fiishquiquin nan fusti fipashu amaqui nai cuyoafo? —ishon yocaifoan.