Mateo 21:19 - Sharanahua: Diospan Tsain

¹⁹ Ascashu caquin oian fai cusumunri fana higuera fuchini. Ahuun fimi pipaifia ahuun puifosi ini. Ascacun nan fana Jesús yoiqui isca huani, —Afanancai min fiminacamaran, —ishon yoini. Yoiquin asca huaino fana tsasisiriscatani.

Mateo 21:19 Referans Kwoze

Tito 1:16

—Nonfin Dios tapicoianquin, —ishon yoifiamisifo man acai cuscahuunshon non tapitiro nanfoancai Diosihuunoa tapicoinmisifoma. Ascashon fasi chacacoin fustisi shinancani. Ascaquicai ahua shara huatirofoma.

Juan 15:6

Ahuun poyan futsa chaca fimioma poshtushon potashquin tsasinon. Tsasicun poyafo icha huatiro coashquin. Nanscarifiai tsoa ufu rafutama umaquin icun nanscarafo chipo icha huashon chi urumanhuan muran ato potashquin.

Lucas 3:9

Fana fimi sharayamaiton ifoan ahuun tapo nantifi ruratinin shatuquin cuyoshon chii muran potatiro coi futsunon. Nanscarifiai natianri Diosin man itishara chaca shatutama man isharayamacaiyaiton mato omitsiscamapacushquiran, —ishon Juanpan ato yoiaiton.

Juan 15:2

Manfin uva ahuun poyan futsan cuscarafoquin. Rato poya futsanmain fimiomafoquin Uhuun Upa nanfo poshtushon potashquin. Ascafia poyan futsa fimiafo aton tushpa futsafo chacamishti poshtutiro poyan sharafo mutininon fimi sharashquin.

Marcos 11:14

Ascaiton yoini, —Afanan min fimimaran, —ishon Jesús yoini. Yoiai cuscan a rafuafoan nicanifo.

Apocalipsis 22:11

Ascan Jesús nocoaitian nan nicacasmamisifo fasi chaca finacoinshquicani. Yora chacacoin huamisifori mimacoin chacacoin iishquin. Nan Diosin yoia cuscan huamisifori mimacoin Diosin yoia cuscan aashcani. Nan Jesús cuscara shara imisifoanri mimacoin huaquin aton Ifo tanasharashcani, —ishon Diospan oinmatinin nan afu imisifo futsan ua yoia.

Judas 1:12

Ascan manfin noinanshu ichananmisiquin nocon Ifohuunoa shinanfain pishcaquin. Nanfori ranotama matofu ichananfiacashon nocon Ifohuunoacai shinancanima. Futsafohuunoaricai shinantama aficairocon shinanmufustiafo, —Non mato yosiquin mato cushusharatiroran, —ifiacaquin tsoa ahua yosisharamisifoma. Nan coin oi maisinincai mai muto muchana huatiroma fanafo foaisharanon. Mai mutoano coin choshtacuashu oi fuaino fanafo foaimasharatiro. Nanscarifiai nanfo coin oi maisi cuscarafo. Nan cushumisi ointsafiacashocai nocon Ifohuunoa tsoacai tapiafoma. Fana ahuun tapofo ya tsucucain tsasiashu fimioma itiro. Man nai rafua cuscara. Nanscarifiai nan chanimisifoancai tsoan Jesús icoinra huamatiroma nipanonfo.

2 Timoteo 3:5

Futsafo fu ichananfiaquicai Diosin ahuamamishti atiro cuscan icoinra huacanima. Ascacun nanscarafo fu iyamahuu.

Mateo 21:20

Ascaiton oin non afu rafuafo non mustairini. Ascashon non yoini, —¿Ahuuscashumun nan fana tsasiriscaaquin? —ishon non Jesús yocaiton.

Marcos 11:20

Ascano iyoco futsaino afanan nasoquin fana higuera fuchitoshinifo. Man tsasi futsua. Ahuun tapofori man naa.