Mateo 19:4 - Sharanahua: Diospan Tsain

⁴ Jesús ato cumani, —¿Man Moisés cununi cuscan oinmisimamun? Diosin nantifi onihuani. Tau huaquin nocofunu yafi ainfo onihuani.

Mateo 19:4 Referans Kwoze

Génesis 2:23

Ascaiton oinquin Adán yoiquin isca huani, —Diosifin mia uhuun nami yafi uhuun shaohuunoa oni huaquin. Ascacufin un mia ainforan huaicai miafin uhuunoa Diosin oni huaquin, —ishon yoini.

Génesis 1:27

Ascatan Diosin nocofunu onihuani ahuun shinan cuscara icain a cuscara inon. Ascashon nocofunu yafi ainfo onihuani.

Génesis 5:2

Nocofunu yafi ainfo oni huaquin tau hua fasi sharacoin rafu inifo. Ascashon ato oni huatian atori anuni, “Yoraran,” huani.

Lucas 10:26

Jesús cumani, —¿Raquiri Moisés cununimun? —ishon yoiaiton.

Génesis 2:18

Ascashon nocon Ifo Diosin afanan yoini, —Adán arus icacai sharamafinquin. Unfin afu rafua onihashoicai a futan ahuara nan yopai cusca a fu anon, —ishon yoini.

Mateo 22:31

¿Ascacun yora naashu funishquiaifohuunoa Diosicoinin mato cunushoni cuscan man man oinmisimun?

Mateo 12:3

Jesús ato cumaquin isca huani, —¿Davidhuunoa cununi cuscan man man oinmisimun? ¿Fonainquin nocon shuni David ahuun yorafo futan ani cuscan man man nicamisimun?

Marcos 12:26

Ascan yora naashu funishquiaifohuunoa Diosin mato yoini. ¿Yoiai cuscan Moisés mato cunushoni man oinmisimamun? Diosin fana urumanhuan muranshon ahuun oi nica cuscan mato cunushoni isca huaquin, “Upa Diosin chofo urumanhuan muran ua yoiquin, ‘Unfi Abraham non Isaac non Jacob afoan un aton Diosiquin,’ ” ishon Moisés yoini. Nan rafu non fusti yamashtafiacanashu natian Dios fu niafo.

Marcos 12:10

¿Diosin tsain yoini cuscan man oinmisimamun? Ascashon yoiquin isca huani, “Pushu yonomisifoan toquiri quishi shara oincaquin yoinifo, ‘Nacai sharamafinquin,’ ishon potafo. Man potafiafoan pushu ifoan catonni nan toquiri quishihuunoashu pushu nisharanon. Nanscarifi aquin Diospan Furunhuunoa niaifofoan yoimisifo, ‘Nancai ahuamaran,’ ishon man potafo. Ascafiacun Upa Diosin catonni ahuun yorafoti ahuunoashu nipanonfo.

Marcos 2:25

Ascaiton Jesús ato cumaquin, —¿Davidhuunoa cununi cuscan man oinmisimamun? ¿Fonainquin nocon shuni David afu rafuafo futan ani cuscan man nicamisimamun? Nicacapon un mato yoinon.

Mateo 21:42

Jesús afanan ato yoiqui isca huani, —¿Diosin tsain cununi cuscan man man oinmisimamun? Isca huaquin cununi, “Pushu yonomisifoan pushu quishi shara potanifo. ‘Nan sharamaran’ ishon potafiafo pushu ifoan afanan fiini nanhuunoashu pushu mutsisipa inon.” Nanscarifiai niaifofoan Diospan facuhuunoa isca huaqui yoishquicani, “Nacai ahuama. Sharamaran,” ishon yoiqui potashcani. Ascafia Upa Diosin ahuun facu catoan ahuunoashu nantifi ahuun yorafo nipanonfo. Ascacun non yoitiro “Diosin Furunhuunshon aca cuscan fasi shararan,” ishon cununi.

Lucas 6:3

Nicaquin Jesús ato cumaquin isca huani, —¿Davidhuunoa cununi cuscan man man oinmisimun? ¿Fonainquin nocon shuni David ahuun yorafo futan ani cuscan man man nicamisimun?

Mateo 21:6

Ascatan nan rafutan Jesús ato yoia cuscacoin huashonifo.