Mateo 19:29 - Sharanahua: Diospan Tsain

²⁹ Ascatari tsoan uhuunshon ahuun pushu yafi ahuun yorafo potafain apa potafain ahuari potafain ahuun facufo yafi ahuun mairi potashon ua tanapaisharai. Nanscara yorafin uqui nocoaitian fasi paratama fiishquiquin. Ascashu ufu ipanaca.

Mateo 19:29 Referans Kwoze

Filipenses 3:8

Ascano uncai afanan un ipaoni cuscan apaima. Nantifi un ipaoni cuscan mun potacoinni. Un ascai un funocoinpaoni. Ascacun natian un shinancai nanfo ahuama. Nan ahuara chaca potamua cuscarafo. Natian uhuun Ifo Jesucristo fusti un onanpaicoin. Nancaifin shara finacaiaquin. Arus fusti ua imasharatiro. Moisés tsain yonopaoni cuscacai un afanan ascatiroma ua imasharanon. Ascatamarocon un Cristo icoinra huaino Upa Diosin Furunhuunshon ua imasharatiro a cuscara shara un inon. Ascan un Diosiqui nocoaitian uqui unimatiro un Cristo fusti icoinra huacun ua imasharanon.

Lucas 14:26

—Tsoan ua finonmacaifain apa yafi ahua non ahuin non ahuun facufo non ahuun yorafo non poifo afiri noiashucai ua tanamisi itiroma.

Mateo 16:25

Ascan tsoan shinanqui isca huai, “¡Ohua! Un Jesús tanaiton raca ua omitsisca huacanicati,” ishon shinanquin uhuun tsain cachiquiri huaa. Nanscara yorafo naashu omitsiscapanacafo. Ascan tsoa uhuunoashu omitsiscacai naa. Nanscara yorafofin nacanashu ufu isharapacunacafoquin.

Mateo 6:33

Ascacun Diosicairocon shinancahuun. Mato yonomapaiyai cuscan nan fusti shinanfafaicahuun. A cuscara shara ipaicahuun. Nancai shinanquin tau huafafaincahuun. Man ascaiton ahuara futsa man yopai cuscan Upa Diosin mato inanshquin.

1 Pedro 4:14

Ascan man Cristo tanacun Upa Diosin mato shara huashoin. Ascashon ahuun Yoshin Shara mato ya rafumapacushquin. Ahuunshon man mutiro Jesús matofu ica. Ascan mato roafiaifoanno unimacoincahuun.

Mateo 10:22

Ascasho nantifi yorafoan man ua icoinra huacun uhuunshon mato noicasmacani. Ascan omitsiscafiaquin man ua potama nan man naitian uhuun tsain tanasharashu Upa Dios fu man ipasharaiqui.

Juan 15:19

Marifi man ua icoinra huayamaiton matori noicuanafo. Afi ranan noinanfo cuscan matori noicuanafo. Ascafiacai man ato cuscarama. Un mato catonni icoinra huama cuscarafo man inonma. Ascacun icoinra huamafoan mato noicasmacani.

Lucas 6:22

Futsafoan uhuunshon mato noicasmaquin mato potafain mato roafain matohuunoa tsain chaca yoicani. Nanscarifi nan Diosin tsain yoimisifo mato shunifo omitsisca huapaonifo. Ascan matori omitsisca huafiaifoanno chipo man Upa Diosqui nocoaitian fasi sharacoin mato inanshquin man afu ipanon. Ascacun unimacoincahuun, —huani.

Mateo 5:11

Ascan futsafoan uhuunshon mato roaquin omitsiscamafain matohuunoa chani futsa futsatapafo yoifiaifoanno shinanchacayamacahuun. Mato omitsisca huaifo cuscan mato shunifori nan Diosin tsain yoimisifo omitsisca huapaonifo. Ascan man uhuunoashu omitsiscafiashu Upa Diosiqui man nocoaitian fasi sharacoin mato imashquin man afu ipashanon. Ascacun unimacahuun.

1 Corintios 2:9

Ascan Diospan tsain cunuquin isca huani, “Tsoan Dios noicoiainton ahuamamishti shara ato ashoin, tsoan oinyomisima cuscara sharafo ato ashofain tsoan nicayomisima cuscarari ashofain. Tsoanshta aton nomuran shinanyomisifoma sharashtacoin ato itishara huashoan,” ishon Diosin tsain cununi.

Hechos 9:16

Uhuunoashu fasi omitsiscai un oinmacoinshquiran, —ishon yoini.

Mateo 25:34

Ascatan un Niaifoshon nan ua tanamisifo un yoiqui isca huashquin, “Uqui fucahuun. Uhuun Upa Diosin mato unimamanon. Nan mai onihuaitian matohuunoa shinanquin isca huani, ‘Un icano un ato iquimanonpacoi uhuun yorafo inonfo. Uhuunafori atona inonpacoiran,’ ishon Upa Diosin shinanyoni.

Mateo 19:16

Ascano pushcohuai Jesusqui caashon yocani, —Tapimamisiton minfin sharacoinquin, ¿Unmun ahua shara huatiroquin Dios fu ipashashquin? —ishon yocaiton.

Mateo 13:23

Ascafiaquin ushu futsa mai shara ano saacano foaiquin yosiashu fimi ya itiro. Nanscarifiai futsafo Diospan tsain nicafain tapicanashu nan yoia cuscan aafo. Ascashon nanfoanfin futsafori Diospan tsain yoiquin icoinra huamatirofoquin. Futsan treinta iyamarai sesenta iyamarai cien yorafo icoinra huamatiroran, —ishon Jesús ato yoini.

2 Corintios 5:16

Ascacufin icoinra huamafoan futsafohuunoa shinainfo cuscacai un afanan atohuunoa anori shinanpacunacama. Unri anori shinanpaonifiashucai un afanan ascapacunacama. Cristohuunoari un amaquiri shinanpaoni. Uncai afanan ahuunoa anori shinainma.

Mateo 25:46

Un ato nannori yoiaino umaquinoashu omitsiscapanacafo muran foshcani. Ascaino nan ua icoinra huafo uhuun Upa Diosin aton chaca soashonafo un icano ufu foshcani ufu ipashcaquin, —ishon Jesús ato yoini.

Mateo 13:8

Ushu rananri mai shara ano saaca nan mai sharanoashu nantifi foaisharashu fimi ichapayacoin ini. Futsa cien fimiya icaino futsa sesenta aya icaino futsari treinta fimiya ini.

3 Juan 1:7

Nanfo foanscamisifo Jesushuunoa yoifoanfafaincani. A ahuara yopai fiaquicai icoinra huafoma yocanifoma.

Lucas 5:11

Nicacatan aton shasho rafu cusumun corafainnifo. Ascashon nantifi aton ahuarafoya ato yorafori potafaini Jesús fu fonifo.

Juan 4:36

Futsan yonoshotanfin chitushotiroquin. Nancai mau ifoan inansharatiro. Nanscarifi aquin futsan Diosin tsain icoinra huamano Upa Dios fu ipasharatiro. Nancaifin ahuun ointi muran unimasharatiroquin. Upa Diosin a inansharacoinshquin. Icoinra huataima futsan yosiyomisi. Nan yosimisiri ahuun ointi muran unimashquin. Upa Diosin arifi inansharashquin. Ascaiton Diosin tsain yosimisifo yafi icoinra huamamamisifo nanscaracoin rafu. Upa Diosin ato inansharashquin aton ointi muran unimanonfo.