Mateo 19:18 - Sharanahua: Diospan Tsain

¹⁸ —¿Rato noco yononicaimun un nicacoinfain nan yoia cuscan un huaiiqui? —ishon yocaiton. Jesús yoini, —Futsa rutuyamahuu. Min ahuinma fu iyamahuu. Ahuara onuyamahuu. Chaniri yoiyamahuu.

Mateo 19:18 Referans Kwoze

Gálatas 3:10

Ascan Diosin tsain cununi isca huaquin, —Moisés cununi cuscan ayamacanashu omitsiscai unupacunacafomaran, —ishon cununi. Tsoacai Moisés cununi cuscacoin amisima. Ascacufin ratoran futsan shinanquin isca huai, —Moisés cununi cuscan un aino Upa Diosin uhuun chaca ua soashotiro un afu ipanon, —ishon anori shinanfiaicai ascacointiroma.

Lucas 18:20

Diosin yononi cuscan man min tapian. Yonoqui isca huani, “Min ahuinma fu iyamahuu. Futsa rutuyamahuu. Ahuara onuyamahuu. Chaniri yoiyamahuu. Ascashon upa yafi uhuari nicasharafain ato shara huahuu,” —ishon yoiaiton.

Marcos 10:19

Diosin yononi cuscan min tapian. Isca huaquin noco yoini, “Futsa rutuyamacahuun. Maton ahuinma fu iyamacahuun. Ascanori maton funumafuri iyamacahuun. Ahuara onuyamacahuun. Chaniri yoiyamacahuun. Fuparayamacahuun. Maton upa yafi uhua nicasharafain ato shara huacahuun,” —ishon Jesús yoini.