Mateo 19:14 - Sharanahua: Diospan Tsain

¹⁴ Jesús noco yoini, —Ato nitun huayamacahuun uqui funonofo. Uhuun Upa Dios niaifo icariafofin nan facumishti cuscaraforiquin, —ishon yoini.

Mateo 19:14 Referans Kwoze

Mateo 18:3

Ascashon ato yoini, —Un mato icon yoi. Man shinan futsayamashu nan facu cuscara man iqui. Man ascayamacai Dios icari man noconacama.

1 Corintios 14:20

Uhuun yoramishtichin, un mato tapimai cuscan tapisharacahuun. Facushtan ahua tapisharataima. Ascashon nanfoan shinain cuscan marifi shinanyamacahuun. Cayacafi shinancahuun. Ascafia iyoafoan shinanchacatiro cuscacai facufoan shinanchacayotiroma. Nanscashu ato cuscara icahuun. Chaca tapipaiyamacahuun.

Marcos 10:14

Anori huafiaifono nicatama Jesús atoqui unimatama yoini, —Asca huayamacahuun. Facufo uqui funonfo. Ato nitun huayamacahuun. Uhuun Upa Diosin niaifo icanori facumishti cuscaraforiquin. Facufoan ua icoinra huacoinnafo. Nai muran Uhuun Upa icano nanscarifi aafoquin, —ishon ato yoini.

Mateo 11:25

Ascano ato yoiqui asca huatan Jesús apa cufini, —Upa Diosin, min fasi sharacoin. Nantifi nai murannoafo futan mai anoafoan aton Ifofin minquin. Ascano nan mapo sharayafo yafi cunu tapiafocai min tsain shara min ato tapimanama. Ascafia nan cunu tapiamafiashon un ato isma cuscan un ato yoiai cuscan ua icoinra huafo. Nanfofin min ato tapimanaquin.

1 Samuel 1:11

Nan cufiaintian Anapan nocon Ifo Diosi yoini isca huaquin, —Ifo Diosin, min ahuamamishti huatiro. Unfin min oinmatiquin. Un omitsiscai cuscan ua shinanhuun. Ua furonanfacu inanpun. Mian furonanfacu inainton un chipo mia inanshquin mina inon. Nan niyoatian uhuun facu min oinmati ishquin. Ascacun nanfin mina ishquiquin ahuun foocai tustupacunacamaran, —ishon Anapan nocon Ifo Diosi cufinni.

1 Samuel 2:18

Ascan Samuelcai Elí facufo cuscarama. Nocon Ifo Diosin Samuel amapaiyai cuscan huani. Ascatan Israelifohuunoa nocon Ifo Diosi cufinmisifoan sahuumisi cuscaran nanscaracoinri Samuel sahuumani. Sahuuti ahuun anu lino sahuuni.

1 Samuel 1:24

Ascano nan ahuun facun afanan shoma ayamaino ichananti pushu ano nan nocon Ifo Diosi cufimisifo ano furun iyoni. Moi funu ahuun fari rafu non fustiya iyofain harina veintidós litro fofain fimi unu fichi tutso muran foni.

Génesis 21:4

Ahuun facu cainyaitian ocho osha finontan Diosin yononi cuscan Abraham Isaac foshqui rupa shatuni.

1 Samuel 1:22

Ascafiacai nan ahuin Anacai a fu canima. Yoiquin isca huani, —Manshtan, un natian mi fu cayoicaima. Nan nocon facu shoma unuaitian un mi fu cashquin nocon Ifo Diosi un noco facu inanfin a fu ipanacaquin, —ishon yoini.

Mateo 5:3

—Tsoa futsan aton nomuran shinanquin isca huai, “Uficai un isharatiroma. Un Dios yopacoinran,” icaiton Diosin ato unimamashquin. Ascashu uhuun Upa Diosin niaifo ano afu ipatirofoquin.

Mateo 5:10

Tsoa Diosin yonoa cuscan aiton futsafoan omitsisca huafiainfoan tunua. Nan cuscarafo Diosin ato unimamashquin. Ascashon nan Diosin niaifo icariafo nanfori atona iishquin.

Mateo 19:15

Ascashon facufo manmanpacutan Jesús cani.

Marcos 10:15

—Un mato icon yoiquin. Facufoan ua icoinra huamisi cuscan tsoan nanscarifi aquin ua icoinra huashuma uhuun Upa niaifo icano afu ipanacamaran, —ishon Jesús ato yoini.