Mateo 17:27 - Sharanahua: Diospan Tsain

²⁷ Ascaiton yoini, —Min ua cuma cuscan iconfia non na pui fimisifo nocoqui shinanchacamapaima. Ascacun ian ano catahuun shuamaquin shiman fiishquin. Ascashon ahuun shaqui murannoa toro fuchishon min fitiro uhuuna yafi mina nan Dios fu tsainti pushu murannoa pui fimisifo nocohuunshon ato inanshquin, —ishon Jesús yoini.

Mateo 17:27 Referans Kwoze

2 Corintios 6:3

Noncai tsoan chaca ismamisima Diosin noco yonomapaiyai cuscan shinanchacanonfoma.

2 Corintios 8:9

Man man tapiari nocon Ifo Jesucriston nai murannoashu mai ano fotoataima nantifi ahuuna ipaoni. Ahuacai yopapaonima. Ascafia nocohuun noicoinquin nantifi ahuunafo potayoni. Ascashu nocohuunoashu ahuuoma iyopaoni non ahuunoashu isharapacunon.

1 Corintios 8:9

Ascafia oinfain. Man shinanquiraca isca huaa, —Unfin nantifi pitiroquin. Ahuara ramihuacashon Diosicoinma tushu inanpaiafo nanfori un pitiroquin. Un piquicai un Dios chaca huaima, —ishon man shinan. Man anori shinanfiaino Jesús icoinra huaa futsafoan anori tapiataima. Nan tushu min piaiton oincaquin mihuunri caocani. —Nantori Jesús icoinra huafiashon ahuara ramihuacashon tushu inanfo pitiro. Asca urifi un pitiroquin, —ishon shinantiro. Asca man tapifiashon man piaiton oinquin arifi man acai cuscan huaquin pishon nanscarifi huatiro. Ascan man pishonfin chipo ahuun nomuran shinantiro isca huaquin, —¡Ohua! Na tushu mun pishon uhuun Ifo Jesús chaca huaran, —ishon shinantiro. Ascashonfin ahuun nomuran afin shinanchacatiroquin. Man acaiton oinquin arifi aca. Ascacufin matohuun nuuaquin. Man man tapia ahuara ramihuacashon tushu inanfo nan pishocai man chaca huama. Ascano futsafoancai tapiafoma. Afoan shinanfin nan tushu pishon man chaca huatiroquin. Jesusri ahuunoashu nafianicun. Ascan matohuunshon shinanchacaquin. Man piamainocai arifi picuanama. Shinanchacacuanama. Man man tapian piquin man chaca huai shafain futsa arifi shinantiro pishon man ahuun noicoianma shinantsain. Ascan man na tushu piyama shara icuana. Pishon man futsa chaca huamatana. Man asca huaquin Cristorifi man chaca huamai.

1 Corintios 8:13

Ascacufin un tushu futsa piquiraca un Jesús tanamisi futsa un chaca huamatiro uncai na cuscara tushu afanan pinacama futsa chaca huamashquima. Un aca cuscan huaquin un tsoa chaca huamashquima. Un futan Jesús tana futsa un ahuun noiquifin un ahuara chacashta shinanmapaima.

Romanos 14:21

Ascan icoinra huaa futsafoan shinanquin isca huaquin, —Diosin yononi cuscan un nami pitiroma. Un ahuara pauri ayatiromaran, —ishon shinanquin shatucahuun ato pacumashquima. Ahuarafoan ato pacumatiro shatucahuun pacunonfoma.

Santiago 2:5

Ascacun uhuun yoramishtichin ua nicasharacapun. Un matohuun noicoinshon un mato cayacafi shinanmasharapai. Yora ahuuomafohuunoa nan icoinra huamafoan shinanmisifo isca huaquin, —Nan ahuuomafocai ahuamaran, —ishon shinancani. Upa Diosincai atohuunoa anori shinainma. Nanfifin yora ahuuomafo catoan Jesús icoinra huacoinonfo. Ascacun nan ahuuomafoan Upa Diosin noicoiainfoan ato yoiyoni cuscan nantifi ahuunafori atona iishquin.

Génesis 1:28

Asca huatan Diosin ato yoisharani, —Isharacain ichapa cai sharacahuun. Nan maitio iishcaquin. Ascano nantifi shimanfo unu murannoa icain puiya nan noyamisifo icain mai anoafo ato ifo icain yoina futsa futsatapafo non mai ano sharatirofo man ato ifo iishcaquin.

1 Tesalonicenses 5:22

Ahuara chaca fishtayamacahuun.

Juan 6:61

Ascaiton Jesús onanni rama noco yoia cuscan atirifi a tanamisifo nicacasmaiton. Ascan noco yoini, —¿Un rama mato yoia cuscan man nicapaimamun? ¿Afanan man ua icoinra huaimamun? ¿Nan nicai man umaqui ipaiquin raquiri man shinanshquimun ua afanan oinquin un nai muran Upa Dios icari un funicainaiton?

Mateo 5:29

Ascan man oinquin man chaca huapaiquin maton furon ocuma futsa shara tsucashon potahuu afanan chacanonma. Man mumafiacun omitsiscapanacafo muran mia potacun nancai sharamafinquin. Ascaquimarocon man mumamafiashu Dios icari nocoshon nanno afu ipashanon nan sharacoin.

Mateo 5:30

Nanscarifiai min mumiorishon min mucuman min ahuara min chaca huaiton, min mushtua shara icuana. Man mumafiashu omitsiscapanacafo muran mia potacun nancai sharamafinquin. Ascaquimarocon man mumamafiashu Dios icari nocoshon nanno afu ipashanon nan sharacoin.

Mateo 17:26

—Mai futsa ariafo fiantiroran, —ishon Pedronun cumani.

Mateo 18:6

Ascafia ratoranfoan ua icoinra huafuna futsan chaca huamai nancaifin fasi onaintimaquin finacoinquin. Chaca huamataima toquiriya tunushushon unu noacoin muran potafin shara icuanaquin.

Mateo 18:8

Ascano mato mucuman man chaca huacun mushatumushon potacahuun afanan chaca huashquima. Man raquira caquin chaca huashon mato tau shatuhuu potashquin afanan chaca huashquima. Man mumamafiashu Dios icano caafin sharacaiqui. Mumafiashu man omitsiscapanacafo muran cacuana. Nanno chii urumanhuan matsinacama.

Marcos 9:42

Ua rama futsa icoinra huafiacun futsan chaca huamaiton nancairocofin toquiri uhuapa tuhuumashon unuhuan noa muran potanon.

Marcos 9:43

Asca huatan min mucuman ahuara chaca huai mifiri min mushatumua shara icuana. Mucu rafuya omitsiscapanacafo muran catama mucu fusti ya Upa ari min nocotiro nipashquin. Nan shara. Omitsiscapanacafo muran a chicai nocanacama. Nanscasi apanaca. Acai sharama.

Lucas 17:2

Ascashon ua icoinra huafuna futsan chaca huamai nancaifin fasi onaintimaquin finacoinquin. Ascacun chaca huamataima toquiri ya tunushushon noacoin muran potafin shara icuanaquin.