Mateo 17:17 - Sharanahua: Diospan Tsain

¹⁷ Ascaiton Jesús non afu rafuafo noco yoini, —¡Ohua! Mancai ua icoinra huacoinnama. Man fasi amaquiri shinanmisi. ¿Ahuutia un matofu icamun man ua nicayamacaiyai? —ishon noco yoini. Ascatan facun ahuun apa yoini, —Min facu ua ihuushonhuun, —huani.

Mateo 17:17 Referans Kwoze

Números 14:11

Atoqui nocotan nocon Ifo Diosin Moisés yoini isca huaquin, —¿Ahuutianmun na yorafoan uqui tsain chaca huaquin unucaniquin? Diosincai ahuamaran, ishon aton nomuran shinanquin shatuyamacaicani. Un ato tsoan atiroma cusca ismafiamisi uacai icoinra huapaicanima. ¿Ahuutianmun ua icoinra huacaniquin?

Mateo 6:30

Diosin charo sharashtacoinfo onihua. Foai sharafia supashon samamashta tsasicun coatirofo. Nanfo finonmafain mato noiquin mato camisa sahuumashquin. Ascafia mancai icoinra huasharacoinnama.

Hechos 13:18

Tsoan istaipamashon cuarenta fari ato cushusharayopaoni.

Marcos 16:14

Ascatan chipo piyainfoanno Jesús atoqui nocoriscatani. Ascashon ato yoini, —¿Ahuuscain un afanan funia man icoinra huamamun? Futsanfoan ua oinshon mato yoifiaiton man ato icoinra huamaran, —ishon afu rafumisifo once yoini.

Marcos 9:19

Ascaiton Jesús, —¡Ohua! Mancai ua icoinra huaima. Man fasi amaquiri shinanmisi. ¿Ahuutia un matofu ipamun ua man nicayamacaiquin? —Jesús ato huani. —Min facu ua ihuushonhuun, —Jesús apa huani.

Mateo 13:58

Ascano nannoshon icoinra huaiyamaifoan tsoan atiroma cuscan fustirasi huani.

Mateo 8:26

Ascaino moinacahuan noco yoini —¿Ahuuscai man ratuain? Man ua icoinra huasharashucai man ratucuanama, —ishon noco yoini. Ascatan fuuhuan yafi ian fuchomanhuan yoiqui isca huani, —Fuun nishmahuu, —huafain, —Fuchomanhuan nishmahuu —huaino fuu yafi ian fuchoai nishmafaini. Asacatan ianmanhuan pusiquima racani.

Números 14:27

—Nan min yorafoan uhuunoa tsain chaca huafain uqui tsain chipumisifo. Nan tsain uqui chipuyanan tsain chaca huaifo cusca mun nantifi nicamisi.

Éxodo 10:3

Nannori nicatan Moisés yafi Aarón Faraón pushu ano fonifo Diosin ato yoia cuscan Faraón tapimashcaquin. Ascano yoiquin isca huanifo, —Nonfin Hebreofoquin. Nan nocon Ifo Diosin mia yoipaiyai cuscan non mia tapimai oa. Mia yoipai isca huaquin, “¿Ahuutiamun min apai cusca fusti min atamarocon ua nicacoin? Uhuun yorafo nichihuun ua cufintanonfo.

Juan 20:27

Jesús Tomás isca huani, —Ua min mutotinin uhuun mucu natan muifain ua piiimuihuu. Afanan ua icoinmaran huaquima. Ua icoinra huahuu, —huaiton.

Lucas 24:25

Ascaifoan ato yoiqui isca huani, —¡Ohua! Manfin tatimacoinfoquin. Diosin tsain yoimisifoan yoinifo cuscan mancai icoinra huacuanama.

Lucas 9:41

Ascaiton Jesús afu rafuafo yoini. —¡Ohua! Mancai ua icoinra huacoinnama. Man fasi amaquiri shinanmisi. ¿Ahuutia un matofu icamun man ua nicayamacaiyai? —ishon ato yoini. Ascan facun ahuun apa yoini, —Min facu ua ihuushohuun, —huani.

Mateo 16:8

Ascano nan non yoiai cuscan onanshon Jesús noco yoini, —¿Ahuuscaquimun tushuhuunoasi man yoicai? Mancai ua icoinra huaa sharacoiantaima.

Éxodo 16:28

Ascaiton oinquin nocon Ifo Diosin Moisés yoini, —¿Ahuutiacaimun na yorafoan ua nicacaniquin? Un ato yoia cuscacai tsoan ua nicapaima.

Mateo 17:16

Uhuun facu mifu rafuafo ano un iyofiacai tsoan caya huama, —ishon yoiaiton.

Mateo 17:18

Ascaiton furun ihuushocun Jesús yoini, —Minfin yoshin fasi chacacoinquin. Na facumaquinoashu catahuun, —ishon Jesús curushcain yoiaino cayariscatani.

Hechos 2:40

Yoitan afanan Pedronun ato tsain ichapa yoini. Ato yoiquin isca huani, —Maton chaca shatucahuun, uhuun yoramishtichin. Nocon caifo futan mani futsanfoanri man fasi chaca huamisifo. Ascarafo iyamacahuun. Jesús icoinra huacahuun mato numanon, —ishon Pedronun ato yoini.

2 Corintios 11:1

Un mato natian yoi. Nan yoran shinansharayamaiton shinantiro cuscan nannori un mato yoifiaquicai nanscaracoin un yoima. Ascacun man ua nicamisi cuscan natianri ua nicasharacapun.