Mateo 17:12 - Sharanahua: Diospan Tsain

¹² Ascan man ofiacucai tsoan onannima. Nan chaca huapaiyaifo cuscan fusti nan chaca huanifo. Nanscarifi aquin ua omitsisca huashcaniran, —ishon Jesús ato yoini.

Mateo 17:12 Referans Kwoze

Mateo 16:21

Ascatan nantian yafi nan achiaifotian Jesús noco shafacafi yoiqui isca huayofafainpaoni, —Un Jerusalén ano cai. Nannoshon nocon niaifofoan ua omitsisca huafain ua ato rutumafiafo osha rafu non fustitan un afanan funishquiran, —ishon noco yoini.

Hechos 4:10

Un mato cayacafi yoinon. Man nantififain uhuun caifo nan Israelifo yashon tapisharacahuun un mato yoinon. Jesucristo nan Nazaret anoahuunshon man caya muma shara inon. Manfin Jesucristo ihui coyan iquinanqui mastaitaquin. Man naafiacun Upa Diosin funimana.

Hechos 7:52

Maton shunifoan nantifi Diosihuunshon inon pacoai yoimisifo man ato omitsiscamapaoni. Inonpacoai yoimisi futsafoan yoinifo, “Nocon Numamisi isharamisi nocoqui oshquiquin,” ishon yoipaonnifo. Nanfoanri nocon shunifo man rutunifo. Man yoinifo cuscan nocon Numamisi shara nocofiacun nanrifi man rutuafo.

Hechos 2:23

Ascafia Upa Diosin inon pacoai cuscan shinanni cuscan mato ahuun Furun inanni man rutunon. Manfin nocofunu chacafo futan ihui coyan iquinanqui mastaitaqui nanon.

Juan 1:11

Ahuun mai ano nocofiaitocai ahuun yora Israelifoan oinpainifoma.

Lucas 7:33

Nanscarifi aqui nanfoanrifi Juan yafi uqui tsain chipufafainmisi. Ascafia Juanpacai piqui tunufain fimi unu pau ayamisima. Ascacun ahuunoa yoiqui isca huamisifo, “Juan nisocoin. Yoshin chaca ahuun nuaran,” ishon yoimisifo. Asca unfin piisharafain un ayasharamisiquin. Ascafia uhuunoari yoiqui isca huamisifo, “¡Cuu! Jesús pitsicoin fasi ichapari ayatiroran huafain Roma anoa niaifo puifishomisifo yafi yora chacafo furi rafuiran,” ishon uhuunoa chaca yoimisi.

Mateo 21:32

Juanpan mato yoisharapaoni isca huaquin, “Man chaca huamisi cuscan shatufain natian Dios shinancahuun,” ishon mato yoipaoni. Ascafiacai man icoinra huanima. Nan niaifo pui fishomisifo futan ainfo furomafoanri icoinra huaifoan oinfiaquicai maton chaca shatuyamafain man icoinra huamisimaran, —ishon Jesús ato yoini.

Mateo 11:2

Ascano nantianri Juanpan nan unu muran ato iquimapacuni ranushumuafoan cunu muran iquimanifo. Nan muranshon Jesús acai cuscan nicaquin ahuunoa fasi tapisharapaiqui. Nan cunu muranshon a tanamisifo nichini Jesús yocanonfo. Ascano nan Juanpan ato yonoa cuscan focashon Jesús yocaquin isca huanifo, —¿Iconmun nan minmun nan non manamisi iyamarai futsa raca non manaicai? —ishon Jesús yocanifo.

Mateo 8:20

Jesús cumaquin, —Marifi quiniyaquin. Puiyafori naayafofiano uncai pushu yama, —ishon yoini.

Mateo 17:9

Ascatan machi pochininnoashu fotoshon Jesús ato yoiqui isca huani, —Nan man rama oian cuscan tsoashta yoiyoyamacahuun. Nan un naashu afanan funiano man rama oian cuscan man yorafo yoitiroran, —ishon ato yoini.

Mateo 17:11

Jesús ato yoini, —Icon. Elías rucun oitautiro. Oshon nantifi ato imasharapai aton chaca shatunonfo.

Mateo 17:13

Ascaiton nicacani afu rafuafoan shinantani nan Juan yorafo unu muran iquimapacumisihuunoa ato yoiai cuscan tapinifo.

Mateo 17:22

Ascatan Galilea ano nocofu caquin afanan Jesús noco yoiquin isca huani, —Un mato yoimisi cuscan afanan un mato yoi. Futsan ua ato achimashquin ua rutunonfo. Ascafia osha rafu non fustitan un afanan mai murannoashu funishquiran, —ishon Jesús noco yoini. Ascaiton nicaquin non fasi shinancoinni nocon nomuran noconi.