Mateo 15:16 - Sharanahua: Diospan Tsain

¹⁶ Ascaiton Jesús noco yoiqui isca huani, —¿Ascan marifimun man nicasharama?

Mateo 15:16 Referans Kwoze

Mateo 16:9

Ascashon mancai tapisharataima. ¿Un mucu fustiti misihuunshon cinco mil nocofunufo un pimaita nan man shinainmamun? ¿Ahuuti shihuati fospia tushuita man ointiaquimamun?

Marcos 9:32

Ato yoifiaiton tapinifoma. Ratucaquin tsoancai afanan yocanima.

Marcos 7:18

—¿Ahuuscaquimun marifi man tapisharataimacain? ¿Man tapiamamun ahuara non piatocai nocon nomuran noco shinanchacamatiroma?

Lucas 9:45

Ascashon ato yoiai cuscacai tsoan tapinima. Diosin ato nomuran ato shinantima huaino. Ascacucai yocapaifia ratucaqui yocanifoma shafacafi ato tapimanon.

Mateo 15:10

Ascashon nannori Fariseofo yafi Moisés cununi cuscan tapimamisifo ato yoitan Jesús yorahuanrasi cunaquin isca huani, —Uqui fucahuun un mato yoinon. Ua nicafain un mato yoiai cuscan tapisharashcaquin.

Hebreos 5:12

Ascan mancai na rama Diospan tsain nicama. Man man fari ranan nicafiamisishaquicai man tapi sharataima. Man tau huaquin Jesucristohuunoa tapini cuscan man man ointiaquimamisi. Ascaquicai man futsafo tapimatiroma. Ascatama mancairocofin futsafo yopaiquin man tau huaquin Jesushuunoa tapini cuscan afanan mato tapimanonfo. Ascashufin man facufo cuscaraquin. Facushta shoma fusti ayotiro. Shoma fusti acaiton non tapitiro yosiataima. Tushucoincai piyotiroma. Nanscarifiai mancai atirifi Diospan tsain tapisharataima.

Lucas 24:45

Ahuun shinanpan aton nomuran nanumana aqui cununifo cuscan tapisharanonfo.

Lucas 18:34

Ato asca huafiaitocai tsoa tapinima ato yoiai cuscan. Man nicafiaquiricai tapisharanifoma. Diosin ato tapimanataima.

Marcos 6:52

Tapiyonifoma Jesús Diospan facu ahuamamishti huatirofiacun cinco mil nocofunufo piimaiton oinfiaitashacaquin Jesús onanyonifoma. Diospan facufiacun aton nomuran tapiyonifoma.

Mateo 16:11

¿Ascan ahuuscai un mato tushucoinhuunoa yoiyamafiaiton man tapimamun? Unfi tushuhuunoa yoi cafisca huaquin nan Fariseofo futan Saduceofoan yosiaifo cuscahuunoa un mato yoiqui, —ishon noco yoini.

Mateo 13:51

Ascatan afu rafuafonon Jesús noco yocaiton, —¿Un mato yoia cuscan nantifi man man tapiamun? —ishon noco yocaiton. —Ai. Min noco yoiai cuscan nantifi man non tapiaran, —non huaiton.

Mateo 15:15

Ascaiton Pedronun yoini, —Min ato yoia cuscan shafacafi noco tapimahuun, —ishon yoini.

Mateo 15:17

¿Man tapiamamun ahuara man piacai mato shaqui muran nituima? Ascatama manrocon aya poitiro. Ascan nantocai mato chaca huamatiroma.