Mateo 14:19 - Sharanahua: Diospan Tsain

¹⁹ Ascashon yorahuanrasi yoini, —Nanno faasi camaqui tsaocahuun, —ato huani. Ascatan shiman rafu yafi misi mucu fustiti tsomashon nai ari foisinifoantan Apa Dios cufinquin, —¡Aicho! Upan, mihuunshon un ato pimai. Min fasi sharacoincun, —huatan. Misi torupacutan shiman rafu ya osishon noco inanni non ato pashcanan huapanon.

Mateo 14:19 Referans Kwoze

Lucas 24:30

Ascatan piaifoanno Jesús misi finifoantan Apa Dios yoiqui isca huani, —¡Aicho! Upan, non yopai cuscan min noco inanmisiran, —huatan. Misi torupacushon aton inanni.

Hechos 27:35

Asca huatan misi tsomashon aton ointaifi Apa Dios cufiyoni, —Upa Diosin, ¡Aicho! Min noco cushusharamisi, —huatan misi pini.

Marcos 6:41

Ascaino nan shiman rafu yafi misi mucu fustiti tsomashon nai ari foisinifoantan Apa Dios cufini, —¡Aicho! Upan, mihuunshon un ato pimaicain. Min fasi sharacoincun, —huatan. Misi torupacutan shiman rafu ya osishon ahuunshon tapimisifo ato pashcanan huapani.

Romanos 14:6

Atirifoan shinanfo rato shafatamain ichananti shafa shara itiroquin Upa Diosihuunoa shinanshquin. Nanfoanri nocon Ifon Jesús shara huapaicani. Ascan futsafoancai anori shinancanima. —Shafatifi nanscarafosi non Diosinhuunoa shinantiro. Ascatari nan ratoran shafatafin non nami pitiroquin. ¡Aicho! Upa Diosin min noco nami inanquin non pinon, —ishon shinantirofo. Nanfoanrifi nocon Ifo Jesús shara huapaicani. Ascashon futsafoan nami piyamaifoan yonofosi pitiro. Nanfoanri noco Ifo Jesús, —¡Aicho! —huatirofo. Nan rafutan Dios shinansharapaicani.

Colosenses 3:17

Manfin nocon Ifo Jesús ahuun yorafoquin. Ascano nantifi man yoiai cuscan huafain man acai cuscan nantifiri yorafo ato ismacahuun matohuun caononfo. Ahuunshon Upa Dios yoinonfo isca huaquin, —¡Aicho! Min ua shara huashomisiran, —ishon yoifafaincahuun.

1 Corintios 10:16

Man man tapia non Diospan tsain nicashquin ichananmisitian nan non ayai cuscan non shinanmisi Jesús noco nashonicun. Nan cucho fustiquinoa non ayapacumisi. Nantifiton ayaquin non shinantiro Jesús noco nashocain ahuun imi foni non afu nipanon. Ascacun non yoitiro isca huaquin, —¡Aicho! Upa Diosin, min Furunmun noco nashoni non afu min facufo inonran, —ishon non yoitiro. Nanscarifi aqui misi torupacushon nofi ranan non uhuapamashta inanonanpacumisi Jesucristo ahuun caya nocohuunshon mastanifo non afu rafupacunaca shinanshquin.

Lucas 9:14

Nanno cinco mil nocofunufosi ini. Ainfofo yafi facufocai tanan huamunima. Ascaiton ato yoiqui isca huani, —Ato yoicahuun futsano cincuenta tsaohuaifono futsa anori cincuenta tsaononfo. Nanscasi anonfo, —ato huani.

Marcos 7:34

Ascashon nai ari foisinifoantan fasi shacaitan yoini, “Efata,” Onicoinnin tsainmanfin: “Cayasharahuu,” huani.

1 Corintios 10:31

Un mato tapimasharanon. Ahuara man pifain ayafain man ahuarashta futsa huai cuscari acafiri futsafoan Diosihuunoa shinansharanonfo.

Juan 6:23

Nantianri Tiberias chaimanoashu shashorasi muran fuafo. Nan Jesús yorahuanrasi pimaita anoashu funifo.

Marcos 6:39

Nicatan Jesús ato yononi isca huaquin, —Ato yoicahuun futsano cincuenta tsaohuaifono futsa anori cien tsaononfo, —ato huani. Ascano yorafo faasi camaqui tsaoacunifo. Ato yonoa cuscan tsaoshoacunifo.

Juan 11:41

Ascaiton nicacaquin fupunshonifo. Fupushonafoanno nai foisinifoantan, —Upan, un mia cufia cuscan mian nicai. Un mia aicho huai.

Lucas 22:19

Asca huatan Jesús misi finifoan afanan Apa cufiyoni, —¡Aicho! Upan, —huatan. Torupacushon atoti inanqui afanan ato yoini, —Naafin uhuun caya cuscaraquin. Un nantifi yorafohuunoashu nai. Ascacun nan man piaitian ua shinanfafaicahuun, —ishon ato yoitan.

Lucas 9:16

Ascaino shiman rafu yafi misi mucu fustiti tsomashon nai ari foisinifoantan apa Dios cufinquin isca huani, —¡Aicho! Upan, mihuunshon un ato pimai. Min fasi sharacoincun, —huatan. Misi torupacutan shiman rafu ya osishon afu rafuafo ato inanni ato pashcanan huapanonfo.

Mateo 14:18

Ascaiton, —Ua fishotacahuun, —noco huani.

Lucas 22:17

Ascatan cucho finifoan Apa Dios cufiyoni, —¡Aicho! Upan —huatan. Ato cucho inanqui yoini, —Ayapacucahuun.