Mateo 13:43 - Sharanahua: Diospan Tsain

⁴³ Ascaino nantianri Diospan yora shara icoinra huafoti aton Upa Dios icanoashu fari chasha cuscarafo. Ascacun manmain ua nicatiroquin ua nicacahuun. Uhuun tsain maton nomuran nanucoincahuun.

Mateo 13:43 Referans Kwoze

Daniel 12:3

Tsoan nataima Diosin ato shinanmapaiyai cuscan shinanmisifo Diosi fu isharapacunacafo. Nai muran chasha cuscan nanfori chashapacunacafo. Ratora futsa tapisharashofin futsafo Diosihuunoa tapimamisi shara inonfo nan tapiafofin fishifo chashai cuscan nanfori chashapacunacafo.

Lucas 12:32

Ascano uhuun yorafoan ratuyamacahuun. Maton Upa Diosin mato cushushara. Nantifi ahuuna matori inain. Unimacai mato inanshquin.

Mateo 11:15

Manmain ua nicatiroquin ua nicacahuun. Uhuun tsain maton nomuran nanushcaquin.

Mateo 25:34

Ascatan un Niaifoshon nan ua tanamisifo un yoiqui isca huashquin, “Uqui fucahuun. Uhuun Upa Diosin mato unimamanon. Nan mai onihuaitian matohuunoa shinanquin isca huani, ‘Un icano un ato iquimanonpacoi uhuun yorafo inonfo. Uhuunafori atona inonpacoiran,’ ishon Upa Diosin shinanyoni.

Santiago 2:5

Ascacun uhuun yoramishtichin ua nicasharacapun. Un matohuun noicoinshon un mato cayacafi shinanmasharapai. Yora ahuuomafohuunoa nan icoinra huamafoan shinanmisifo isca huaquin, —Nan ahuuomafocai ahuamaran, —ishon shinancani. Upa Diosincai atohuunoa anori shinainma. Nanfifin yora ahuuomafo catoan Jesús icoinra huacoinonfo. Ascacun nan ahuuomafoan Upa Diosin noicoiainfoan ato yoiyoni cuscan nantifi ahuunafori atona iishquin.

1 Corintios 15:58

Ascacun uhuun yoramishtichin futsa futsa huaquin shinanyamacahuun. Diosin noco imapaiyai cuscan nan fusti shinansharacahuun. Jesús tanasharacahuun. Nocon Ifo Jesús yonoshosharafafaincahuun. Man man tapia nocon Ifo futan yonoicai ipaitsi non yonoshotiroma.

Lucas 22:29

Ascacun uhuun Upa Diosin ua catoan un afu niaifo inon. Nanscarifi aquin un mato catoan man ufu niaifo inon.

Mateo 26:29

Ascacun un mato icon yoi. Uncai funa afanan mato futan ayaima. Nan uhuun Upa Diosin niaifoan nantifi iquinaitian un afanan maton futan ayashquin, —noco huani.

Mateo 25:36

Un sahuutiromacuri man ua sahuuti sahuumani. Un isinincaitori man ua cushusharamisi. Ua cunu muran iquimanafoanno man ua oin camisiran,” ishon ua tanamisifo un yoishqui.

Marcos 4:23

Man pafiqui yaquin ua nicasharacahuun.

Éxodo 34:35

Nan ato yoiaiton oianfo ahuun fuso afanan chashacoin ini. Nantian Moisés afanan fufopomuni. Ascano Moiséscai nan nocon Ifo Diosi fu tsainquicai fufopomunima.