Mateo 13:20 - Sharanahua: Diospan Tsain

^20-21 Ascano futsafoanri Diosin tsain nicaquin tau huai unimacoinyofiashu samamashta ahuun tsain cachiquiri huaa. Ascan nanfofin nan ushufo toquiri camaqui pacua cuscarafoquin. Nanfori nan ushufo toquiri camaquinoashu foaifia ahuun tapo chai foama. Samamashta nai cuyotiro. Nanscarifiai nanfoancai Diospan tsain aton nomuran nanu sharafoma. Ascashon ahuara chaca finonyamarai futsafoan ato omitsisca huaino samamashta Dios cachiquiri huatirofo.

Mateo 13:20 Referans Kwoze

Marcos 6:20

Juan nocofunu shara Dios tanasharamisi niaifon Herodes tapishon cushusharani.

Hechos 8:13

Nan Simón arifi icoinra huacun unu muran iquimani. Ascano Felipen Jesucristohuunshon ahuamamishti yoran atiroma cuscan huaiton oin fasi mustairini. Ascashon Simón Felipe mufoanfafainni acaiton oinquin.

Mateo 7:8

Tsoan Upa Dios yocariai fiishquin. Ascan tsoan ahuara shara fasi fuchipaiyai cuscan Diosin ato fuchimatiro. Ascan tsoan Upa Dios cufiriaiton ashoshquin.

Mateo 13:19

Ascan nan Dios ahuun yorafo iquinai cuscan nicafiashon tapiama. Nanfofin nan ushufo fai ano pacua cuscarafoquin. Diosin tsain ato nomuran man nanufiafo nan yoshin chaca Satanás atoqui oshon nicafo cuscan ato fiantiro afanan afohuunoa shinanonfoma.