Mateo 12:38 - Sharanahua: Diospan Tsain

³⁸ Ascaiton Fariseofo futan Moisés cununi cuscan tapimamisifoan yoinifo, —Tapimamisiton, tsoan atiroma cuscan noco ismahuu min Dios ariashu oa non mia icoinra huanon, —ishon yoiaifoan.

Mateo 12:38 Referans Kwoze

1 Corintios 1:22

Ascano uhuun caifo Israelifo iscamisifo, —Diosin nai muranshon noco ahuamamishti oinmanaiton Jesushuunoa yoiafo cuscan non icoinra huatiroran, —ishon shinancani. Nan Israelimafori iscamisifo, —Noco Jesucristohuunoa yoiaifo cuscacai non tapitiroma. Ascacun non icoinra huatiroma. Nan ahuara non tapiafin non icoinra huatiroquin, —ishon yoimisifo.

Juan 2:18

Jesús ascaiton Israelifoan nocon niaifofoan a yocanifo, —¿Ahuuscain Dios fu tsainti pushu muranshon min ato potamun? Diosin mia yonoaiton ahuara tsoan atiroma cuscan noco ismahuu non mia icoinra huanon, —ishon yoiaifoan.

Lucas 11:16

Futsafoan Jesús yoiquin isca huani, —Dioshuunshon nai murannoa noco ahuara futsan ismahuu non mia icoinra huanon Diosin mia catoanquin, —huaifoan.

Juan 4:48

—¡Ohuashta! ¿Ahuuscain yoran atiroma cuscan un huaiton man oinfiacaquicai man ua icoinra huaima? —ishon Jesús ato yoini.

Lucas 11:29

Ascatan fasi paratama yorahuanrasi Jesusqui fuaifoan. Ascaiton ato yoini, —Natian niafo fasi chacacoinfo. Ascashon ua yoimisifo isca huacaquin, “Tsoan atiroma cuscan noco ismahuu min Dios ariashu oa non mia icoinra huanon,” ishon ua yoimisifo. Ascafia nan Diosin tsain yoimisi Jonás ani cuscacoin un chipo mato ismaiton nan fusti man oinshquin.

Juan 6:30

Diosin tsain cununi isca huaquin, —Tsoa futsan atiroma cuscan huafain Moisés ato tushu fariña cuscara fatan shara ato pimani. Nan tushu shafatifi nai murannoashu pacupaoni. Nan tushu ahuun anu nocon tsainman manán. Nanfo nocon shunifoan tsoa istaipamashon piinifo. Ascan mirifi tsoan atiroma cuscan noco ahuamamishti ismahuu Upa Diosin mia nichini non mia icoinra huanon, —huaifoan.

Mateo 12:37

Ascashon man niyoano nantifi man yoimisi cuscan Upa Diosin mato nicamashquin. Ascan mato tsainhuunshon man afu ipatiro iyamarai mato omitsiscapanacafo muran mato potairan, —ishon Jesús ato yoini.