Mateo 12:30 - Sharanahua: Diospan Tsain

³⁰ Tsoan unfu rafupaiquima ua nicacasmai. Tsoan uhuun tsain nicacasmaifin ua noicasmaiquin.

Mateo 12:30 Referans Kwoze

Marcos 9:40

Tsoan noco nicacasmaquima noco futan aqui.

Lucas 11:23

Tsoa ufu rafucasmaquifin uhuun tsain nicacasmacaniquin. Nanfoan futsafo ua icoinra huamapaicanima. Ascaquifin Diosimaqui ato imacaniquin.

Lucas 9:50

Ascaiton Jesús cumani, —Asca huayamahuu. Tsoan noco chaca huapaitama noco shara huaifin sharaquin, —ishon Jesús Juan yoini.

Mateo 6:24

Ascan oinmatinincai ahuun ifo nanno rafu nantian yonoshotiroma. Futsa noifain futsa noicasmatiro iyamarai futsa nan yoia cuscacoin huashotiro. Ascashon futsa, “Nacai ahuamaran,” ishon shinantiro. Tapicai huatiroma ratocaimain nicasharaiquin. Nanscarifiai Dios yonoshopaiquicai man pui noitiroma maton ifo inon.

Josué 24:15

Ascan man nocon Ifo Diosi tanapaiyamaquin catoncahuun tsoan oinmatimain man ipaicain. Unu Eufrates fari iquiaiquirinoa maton shunifoan dioscoinfoma aton oinmati ipaonifo. Ascano nan Amorreofoan aton dioscoinfoma man aton oinmati ipairaca. Nantian Amorreofo mai ano man ica. Ascacun catoncahuun rato diosmain matona itiroquin mato yoia cuscan man anon. Ascafia un non uhuun yorafoan non nocon Ifo Diosi fustiton noco yonoa cuscan non huairan, —ishon Josué Israelifo yoini.

1 Juan 2:19

Nan yorafoan no futan Cristohuunoa nicayofiapaonishaquin noco potafo. Ascaifoan non tapitiro no futan Cristo icoinra huacoinmisima. Noco potafo. Ascaiton non tapitiro afocai no fu Cristo yorama.

Josué 5:13

Josué Jericó chaimashta nishon nocofunu ahuun nopu tsomashu nia oinni. Ascano Josué aqui caashon yocani, —¿Min no fu ipaiyamarai noco noicasmaifo fu min iquimun? —ishon yocaiton.

Génesis 49:10

Min funafo futsan niaifo ipanaca. Futsan nocoataima futsafoan niaifo iishquicani. Nan futsa nocoano niaifo ano nantififain man nicasharashquin.

Juan 11:52

Jesuscai nocon caifo fustihuunoashu naimafinquin. Nantifi manifotichin icoinra huafohuunoashufin noco naashoshquiquin. Ascano nantifi Diosin facu inonfo. Noinancoincani. Nan yora fusti cuscara ishcaquin.

Mateo 12:29

Afanan mato yoi nicasharacahuun. Ahuuscashomain yorafoan nocofunu mutsisipaton ahuun pushu cushu ano ahuun mafo onutiroma. Ascafiaino finoncaia aqui nocoshon achifain munushquin ahuun mafofo cuyonfiaitocai ahuusca huatiroma.