Marcos 9:7 - Sharanahua: Diospan Tsain

⁷ Ascatanaino naicoin atoqui cuyopacuni. Naicoin murannoa ahuun oi nicanifo, —Nanfin uhuun Facuquin. Un ahuun noi. A nicacoincahuun, —Upa Diosin huani.

Marcos 9:7 Referans Kwoze

2 Pedro 1:17

Nantianri Upa Diosin nai muranshon Furunhuunoa yoini isca huaquin, —Nanfin uhuun facucoinquin. Un ahuun noicoin. Un aqui unimacoinniran, —ishon Upa Diosin nan ahuamamishti huatiroshaquin Furunhuunoa yoini. Tsoa futsacai a cuscara sharama. Arus fustifi icoinsharamisiquin. Furun ahuu cuscara sharamainquin ishon nan machi anoshon Upa Diosin noco ismani.

Mateo 3:17

Ascano nanno niafoan nai murannoa Upa Diosin ahuun oi nicanifo yoiquin isca huaiton, —Nan uhuun Facu un catoan. Un fasi ahuun noi. Un fasi aqui unimacoinran, —ishon Apa Diosin yoini.

Marcos 1:11

Fotoaino nai murannoa Upan Diosin ahuun oi nicanifo isca huaiton, —Minfin uhuun Facuquin. Un mihuun fasi noicoin. Un miqui fasi unimacoinran, —ishon Apa Diosin yoini.

Apocalipsis 1:7

“Shinancapon. Nocon Ifo Jesús cooin camaqui afanan oaiton nantifi yorafo niafo futan namisifoanri oinshquicani. Nan mastamisifoanri oinshquin. Ascashu nocoaiton nantifi manifotifain ratucaquin yoishcani isca huaquin, ‘¡Ohuashta! Diospan Furun Jesús non chaca huamisishaquin non aqui ratucoinran,’ ishon yoishquicani. Nanscafin aashquiquin. ¡Amen!”

Hebreos 2:1

Ascacun nan tsain icocoin shara Diospan Furunhuunoa non nicamisi cuscan noco nomuran non nanucoinfafainon cachiquiri huashquima.

Juan 20:31

Upan Diosin Jesús catonni. Afin Diospan Facuquin. Un mato cunushona cuscan nan man icoinra huanon. Icoinra huaashu man Dios fu ipanon.

Juan 6:69

Minfin Dios ariashu nocoqui oniquin. Min Dios cuscara shara. Nan non icoinra huairan, —huaiton.

Juan 1:34

Ascafiashon mun oian. Ascan un mato iconcoin yoiquin nancaifin Diospan Furunquin, —ishon Juanpan ato yoini.

1 Juan 5:20

Diospan Furun oni Dios iconmisiton noco tapimanon. Ahuunoashu non Upa Dios nan iconmisi fu non ipatiro. Furunri Diosicoin no fu ipanaca. Ascan noco nimapacutiroquin.

Romanos 1:4

Ahuunoa cununi cuscan Diospan Yoshin Sharapan ahuun curushhuunshon nocon Ifo Jesucristo maiya anoa funimani. Funimashon noco tapimani nan Diospan Furun Shara nocon Ifoan ahuamamishti huatiro.

Hechos 8:36

Caino atoqui unu noconi nocofunun etiope yoini, —Oinpon unu. ¿Mian na unu muran iquimatiromun un Jesús icoinra huacoinnai cuscan un ismanon? —ishon yocaiton.

Hechos 7:37

Nocon shunifo Israelifo yoini “Chipo Upa Diosin nocofunu ua cuscara matoqui nichishquin. Nocon caifo ishquiquin. Inon pacoai cuscan mato yoishquin a nicasharacahuun,” ishon Moisés ato yoini.

Hechos 1:9

Yoiquin anaititan aton ointaifi nuinacahuani. Oiainfono nai coin muran ihuacainaiton afanan oinnifoma.

Juan 19:7

Ascaiton nocon caifoan cumanifo, —Ma. “Unfin Diospan Facuquin,” Jesús noco huamisi. Ascacun nocon niaifofoan yonoa, “Tsoa anori icafin naiquin. Nayamacaiyaima,” —huaifoan.

Juan 9:35

Ascaiton fusho ipaoni aton ichananti pushu muranshon potaifoan Jesús nicani. Ascashon funaquin fuchini. Fuchishon yoini, —¿Minmun na nocofunu Dios ariashu oni icoinra huaicai? —ishon Jesús yocaiton.

Juan 5:37

Upa Diosin matoqui ua nichini arifi uhuunoa yoimisi. Mancai Upa Diosin ahuun oi nicayamafain man oinmisima.

Juan 5:18

Ascano amaquiri shinannifo. Shinancaquin Jesús yoiti huanifo. —Nocon shuni Moisés yononi cuscan non Sabado ahua huatiroma. Jesús Moisés yononi cuscan aquima. Yoiari Dios ahuun Upacoin. ¡Cuu! Jesús shinanmun afi Upa Dios cuscaracoin. Ascan ahuuscashomain non Jesús ato rutumatiroquin. Non shinanoncahuun, —icashu nocon niaifofoan ahuun yoinannifo.

Juan 1:49

Ascaiton, —Tapimamisiton. Felipe ua yoia cuscan iconcoin. Minfin Diospan Furunquin. Nocon caifo Israelifo min nocon niaifoquin, —huaiton.

Mateo 27:54

Ascaino ranushumua niaifo yafi a futan Jesús cushuafoan mai naiyanaiyaicaino ahuara futsafori ahuascaraiton oincani fasi ratucoincaquin yoinifo, —Iconfinquin. Nanfin Diospan facuquin, —ishon yoinifo.

Mateo 27:43

Ascasho niaifofoan nanno niafo ato yoinifo isca huaquin, —Jesús noco yoimisi, “Unfin Diospan facuqui,” ishon noco yoimisi. Nantofin Dios icoinra huamisiquin. Ascan Upa Diosin a fuchipaiquifin numatiroquin, —ishon aqui tsain chaca huanifo.

Salmos 2:7

Ascacun nocon Ifo Diosin noco yonoa cuscan un mato yoi. Isca yoini, “Uhuun Ifon Diosin ua yoia isca huaquin, ‘Minfin uhuun facuquin. Na shafatarifin un min upaquin.

Éxodo 40:34

Ascatan nai coinmanhuanun ichananti pano pushu manaon fuponi. Nantianri nocon Ifo Diosin ahuara fasi sharashtacoin ascaracai tsoan oinyomisima cuscaran huani. Ascatan pano pushu muran iquicaini.

Éxodo 24:16

Nocon Ifo Diosicai tsoa futsa a cuscarama nan fasi sharacoin fusti imisi. Ascano nantian nan machi Sinain ano iyoni. Osha mucu fustiti non mucu foshca fusti nan nai coinmanhuanun machi fupocoinni. Ascatan iyoconaino nocon Ifo Diosin nan nai coinmanhuan muranshon Moisés cunani. Cunaino aqui machi mamaqui mapufainni Moisés arifi nai coinmanhuan muran iquicaini nocon Ifo Diosi nicashquin. Ascaiton Israelifoan oinnifo nocon Ifo Diosin sharacoin fusti. Nanno machi mamaqui chii urumanhuan nan mau cohuai ointsacoin Israelifoan oinnifo. Ascano Moisés nan machi mamaqui coinmanhuan muran iquini. Nanno cuarenta dia oshani.

Marcos 9:6

Raquirira huapaifiacani ratucoinnifo.

Marcos 9:8

Asca huatan nan rafu non fusti samamashta oinnifo Moisés yafi Elías yamariscatani Jesús fusti atofu nia ini.

Juan 12:28

Upan, Uhuunshon ato oinmahuu min fasi shara, —ishon Jesús yoini. Yoiaiton nai muranshon oi ashcafinin Apa Diosin cumani, —Un minhuunshon un ato ismafafaini un shara. Nanscarifi un afanan huai, —ishon yoini.