Marcos 5:34 - Sharanahua: Diospan Tsain

³⁴ Nicaquin yoini, —Achishtan, mian icoinra huashu min cayaquin. Ratuyamahuu. Min ointi muran unimahuu. Min afanan omitsiscaimacai. Min pushu ano casharatahuun, —ishon Jesús ainfo yoini.

Marcos 5:34 Referans Kwoze

Lucas 8:48

Ascaiton, —Achishtan, ua icoinra huashufin min cayaquin. Caasharatahuun, —ishon Jesús yoini.

Mateo 9:22

Ascashon muuaiton Jesús ifiacucahuatan ainfo fuchishon yoini —Achishtan, ratuyamahuu. Min ua icoinra huashufin min caya sharaquin, —ishon yoiaino ahuun imi nusuriscatani. Ascaiton mua man caya sharacoian ini.

Lucas 18:42

Ascaiton afanan Jesús cumani, —Ua icoinra huashon natian min oinsharairan, —huani.

Lucas 7:50

Ascashon Jesús afanan ainfo yoiqui isca huani, —Mian icoinra huaitofin un mia numaquin. Caasharatahuun, —ishon Jesús yoini.

Marcos 5:29

Ascatan aqui mupiashu imi shatariscatani. Afanan isinin inima.

Hechos 14:9

Pablonun ato yoiaino arifi nicacoinni. Ascaiton fuisquin Pablonun ahuun nomuran shinanni, —Na nocofunu Jesús caya huamatiro icoinra huanon, —ishon shinanni.

Lucas 17:19

Asca huatan a Jesús yoini, —Funicaitahuun. Min ua icoinra huashufin min cayasharaquin, —ishon Jesús yoini.

Marcos 10:52

—Mian icoinra huashu min cayaquin. Casharatahuun, —Jesús huani. Catan oinsharani. Ascashon fai Jesús mufaini.

Mateo 9:2

Asca caini pushu muran iquicun rafu non rafuri nocofunufoan aton caifo isinincai afi raqui caiyamacai afiri ahua huatiroma Jesús shinanmaqui shuhua naratashon ihuunifo a cayahuamanon. Ascaiton Jesús oian nan nocofunu isinincaiton ahuun yorafoan fasi icoinra huaifoan oinquin isinincai yoiqui isca huani, —Uhuun yorashta, ratuyamahuu. Natian mun mia chaca soashona, —huaiton.

1 Samuel 1:17

Ascaiton Elí cumani isca huaquin, —Ascacun afanan shinanchacayamahuu. Min Israelifoan Diosi cufian cuscan mia ashopainonran, —ishon Elí yoini.

1 Samuel 20:42

Asca nan rafu fasi shinanonainfoan Jonatán yoini isca huaquin, —Natian min casharatiro. Non nocon Ifo Dioshuunoashu non yoinonan sharapacumisi. Ahuun ointaifi non yoicoian nocon Ifon Diosin min funafo non uhuun funafori ato cushusharapacunaca, —ishon Jonatán David yoini. Ascaino David nannoashu caino Jonatán pushu rasi ano nasoni.

Marcos 5:33

Ascaino ainfo man caya huaa tapiashu ratui fuopacucahuaquin. Nantifi ahuunoa imisi cuscan yafi ramashta acai cuscari yoiniquin.

Hechos 15:33

Nanno osha ranan atofu ichanannifo. Ascatan Antioquía icanoafoan ato nichinifo, —¡Aicho! Non fasi unimai noco yoisharamisifo. Natian afanan Jerusalén ano fosharacahuun. Nan icoinra huafo nanno nocoaino ato yoisharashohuun, —huanifo.

Hechos 16:36

Ranushumuaton Pablo yoini, —Niaifofoan yonoa natian man casharatiroran, —ishon ato yoini.