Marcos 4:15 - Sharanahua: Diospan Tsain

¹⁵ Ushufo fai nushmancayan pacua puiyafoan samamashta piinifo. Nanscarifiai Diosin tsain yoimisiton aton nomuran nanupaifiai aton nomuran fai curush cuscaracoin. Ascan Satanás ato tsain futsa yoiquin afanan Diosin tsain nicanonfoma ahuun ointi muran funomana.

Marcos 4:15 Referans Kwoze

1 Pedro 5:8

Masharo fonainquin cahuancacaiquin ahuarafo funafoanfafainni piishquin. Nanscarifiai nan nocon noicasmamisi yoshin chaca Satanás cahuancacaini tsoan Diosihuunoa shinanyamaifo ato chaca huamafain ato omitsiscamashquin afanan Diosihuunoa shinanonfoma. Ascacun oinfain. Ahuara chacahuunoa shinanyamacahuun. Upa Diosin mato shinanmapaiyai cuscan nan fusti shinancahuun Satanás mato chaca huamanonma.

Mateo 13:19

Ascan nan Dios ahuun yorafo iquinai cuscan nicafiashon tapiama. Nanfofin nan ushufo fai ano pacua cuscarafoquin. Diosin tsain ato nomuran man nanufiafo nan yoshin chaca Satanás atoqui oshon nicafo cuscan ato fiantiro afanan afohuunoa shinanonfoma.

2 Corintios 2:11

Non ascainocai Satanás noco fuparatiroma. Ascatan non asca huayamaino nocohuunoashu nan nocofunu funoi omitsiscacuana. Satanás noco amaquiri shinanmapai nan nocofunu rau huanonma. Non rau huayamaino fasi omitsiscatiro.

Lucas 8:12

Nan fai curushu yorafoan aton ointi cuscara. Ascashon nanfoan Diospan tsain nicafain ato nomuran nanufiafo nan yoshin chaca Satanás atoqui oshon nan nicafo cuscan ato fiantiro icoinra huayamafain Dios fu ipanonfoma.

Marcos 4:4

Saacano ushufo fai nushmancayan pacua puiyafoan piinifo.

Hechos 5:3

Ascaiton Pedronun yoiquin isca huani, —¿Ananías, ahuuscaimun Satanás min nomuran yonoaino min Diospan Yoshin Shara paraincain? Min mai inanmitsashon pui fia atifincai min noco inanma. Atirifi min mucua mina inon.

Apocalipsis 20:10

Ascatan nan yoshin chaca Satanás nanton yorafo fuparapaimitsamisicoin Upan Diosin chi urumanhuan muran pota. Nanno omitsiscapanaca. Nannori nan yoina pofu cuscara yafi a futan yonopaoni, —Unfin mato Dioshuunoa yoimisiquin, —ishon yoifiamisishaquin Satanashuunoa ato yoimisi. Fasi paramitsamisicoin. Nan rafu non fusti chi urumanhuan muran omitsiscapashquin. Isin muuquin unupacunacafoma.

Apocalipsis 20:7

Ascatan nan mil fari anaitiano Satanás quininhuan faquish murannoa afanan cainmayoshquin nan manifoti anoafo parayonon. Ascatan Dios nicacasmafo manifoti ano ato ichanan huai Diospan yorafo rutumashquin. Ichananfoanno fasi ichaparasi. Nan Dios nicacasmafo tsoan tanan huatiroma. Aton anuquin Gog yafi Magog man huamisifo.

Hebreos 2:1

Ascacun nan tsain icocoin shara Diospan Furunhuunoa non nicamisi cuscan noco nomuran non nanucoinfafainon cachiquiri huashquima.

2 Tesalonicenses 2:9

Nan rutuataima Satanás curushhuunshon nan nocofunu chacacoinni tsoan oinyomisima cuscara Satanás yonopan nanscarafo huashquin yorafo parashquin.

Mateo 22:5

Ascano focashon ato yoifiafo afanan fucasmanifo. Atirifi aton mau ari fonifo, pashaifocani. Atirifiri ato inanmitsati ari fonifo.

Apocalipsis 12:9

Ascacun Miguel futan Diospan oinmatifoan ato nai muranshon mai ano potani. Nan famanhuan cuscara nan rononhuan shuni ahuun anu futsa Satanás nantifi manifoti ato parafafainmisi.

Mateo 4:10

Afanan Jesús cumaqui, —Diospan tsain cununiri “Nan nocon Ifo Diosin fustifin non ratoconun mai chachishotiroquin. Nan fustimain nocon Ifocun,” ishon cununi. Ascan umaquinoashu cariscatahuun Satanás, —ishon Jesús yoini.

Génesis 19:14

Nicain Lot ahuun ainfacu rafutan chai funu rafu icano ichoni ato tapimai cai, —Cariscatahuun. Na pushu rasi Ifo Diosin cuyoiqui nantifin nunoa yorafo nanonfo. Ascacun ichotacahuun nashcaquima, —ishon Lotpan yoini. Ascafiaitocai tsoan icoinran huanima. —Lotpan noco cashu huairan, —ishon shinannifo.

Hebreos 12:16

Ascatan maton ahuinma fu iyamacahuun. Ainfofoan maton funuma furi iyamacahuun. Ascashon Diosin mato inanpaiyai cuscan fiicasmaquima nancairocon fiicahuun. Ascashu Esaú ini cuscan ayamacahuun. Aatocai Diosihuunoa shinanpaonima. Diosin Esaú inansharapaifiaiton fasi fonicoinquin ahuun ushto inanni ahuun rafanan tushu fiishquin. Nan piai fustihuunshon nantifi Diosin inanpaiyai cuscan funocoinni. Ascacun marifi ascayamacahuun.

Hechos 17:32

Jesús nafiashu funini nicacani atirifi shuchinifo. Atirifoanri yoinifo isca huaquin, —Shafa futsan afanan noco yoihuu non nicanon, —ishon Pablo yoinifo.

Marcos 4:14

Nicasharacahuun un mato tapimanon. Nan ushu saamisi Diosin tsain yoimisi cuscara.

Marcos 4:16

Ascan futsafoan aton ointi toquiri cuscara. Ushu toquiri camaqui pacuni anoashu ahuun tapo chaimashta foanno samamashta fanafo nai cuyoni. Tsasi futsuni. Nanscarifiai futsafoan Diosin tsain tau huaquin nicaiyoi unimacoinfiashon samamashta ahuun tsain cachiquiri huatirofo. Diosin tsain nicafiacatan aton nomuran nanucoianfoma. Ascan ahuara chaca finonshon iyamarai omitsiscaifoanno afanan Diosin tsain nicapaitirofoma. Dios afanan tanapaitirofoma.