Marcos 14:5 - Sharanahua: Diospan Tsain

⁵ Nan ininti inanmitsashon ahuun rafanan pui ichapa fishon yora ahuuomafo inanshara icuanaran, —ishon yoinifo. Yoicatan ainfoqui curushcain tsainnifo.

Marcos 14:5 Referans Kwoze

Juan 13:29

Ascaiton atirifoan shinannifo Jesús Judas nichian shafain fusititian non yopai cuscan fiicaishafain. Atirifoanri shinannifo Jesús ahuuomafo yopai cuscan ato inantahuun huaashafain non ini. Nan Judasfin pui cushumisi iniquin.

Judas 1:16

Nanfoanri tsain chipumisifo icain futsahuun ahuara chaca nuutapaimisifo. Nan chaca huapaiyai cuscan fusti tanafafainmisi icain afiri yoimusharamisifo. Ascacanashu cacapaimisifo icain futsahuunoa tsain shara yoiamafiaquin futsa cuncun huapaimisifo, “Ua shara huanon,” ato huamapairan, —ishon Enoc huani.

Filipenses 2:14

Ascacun Diosin mato amapaiyai cuscan fusti huacahuun. Nantifi man acai cuscan huaquin tsain chipufain fochishmanantananyamacahuun.

Efesios 4:28

Ratoran futsan mato murannoashu yomutsoaiton a yoisharacahuun afanan yomutsononma yonoquinsharacahuun ahuun rafanan fiishcaquin. Ascan nan ahuara futsa yopaitonfin man inantiroquin.

1 Corintios 10:10

Ascashon nanfoanri tsain chipuriaifoan Diosin nai oinmatinin atirifi ato namani. Ascacun oinfain marifi tsain chipuyamacahuun matori onaintimanonma.

Juan 6:43

Ascaifoan Jesús aton nomuran shinainfo cuscan onanshon ato yoini, —Uqui tsain chipuyamacahuun.

Juan 6:7

Nicaquin Felipe cumani, —Ifon, non siete oshu yonoshon pui fiiyonon. Aticai itiromaquin na yorahuanrasi non piimaino, —ishon yoini.

Lucas 15:2

Ascaino Fariseofo yafi Moisés cunu tapimamisifo Jesusqui tsain chaca huaquin yoinifo isca huaquin, —¡Oincapon! Jesús yora chacafo fu rafutiro ato futan piaiton, —ishon yoinifo.

Mateo 20:11

Ascashon ato yonohuunshon ato inainton fiicani mau ifoqui tsain chaca huacani afi ranan yoinancaquin yoinifo.

Mateo 18:28

Ascano niaifoan ahuun pushu murannoashu caqui afu oinmati futsa fuchini. Nantori nan ichapamashta nifian ini. Shafa fusti yonona nifian ini. Ascafiacun aqui nocoshon tumosfain achishon yoini. “Mian nifian cuscan ua inanriscahuu,” huaiton ratoconun mai chachishon yoini, “Funayamapun. Un mia inanon,” huani.

Deuteronomio 1:27

Maton pano pushu muranshon man tsain chaca huafain man tsain chipuni isca huaquin, “Nocon Ifo Diosin noco noicasmai. ¿Ahuuscai Egipcio mai arishon noco nuno ihuuamun Amorreofoan noco rutunon?

Marcos 14:4

Atirifoan oincani sinanifo, —¿Ahuuscaimun na ainfoan ininti paratamacoin ahuun pui nuua potaquin?

Marcos 14:6

—¿Ahuuscain na ainfoqui man tsain chipuain? Fucash huayamacahuun. Ua fasi shara huaquin.

Mateo 26:9

Nan ininti ocatama inanmitsashon ahuun rafanan pui fishon nan yora ahuuomafo inanshara icuanaran, —icashu non yoinanni.