Biblia Todo Logo
Bib sou entènèt

- Piblisite -




Marcos 10:18 - Sharanahua: Diospan Tsain

18 —Ahuuscaquimun mian “sharacoinran” huaicai. Fusticoinfin sharaquin. Nanfin a Diosiquin.

Gade chapit la Kopi




Marcos 10:18
14 Referans Kwoze  

Jesús cumani, —¿Ahuuscaquin mian “shararan,” huaimun? Dios fusti sharaquin.


Jesús cumani, —¿Ahuuscaquimun mian yocaiquin ahuara sharahuunoa? Nannofin fustiquin shara. Naanfin Diosiquin. Ascan min Dios fu ipapaiquin nan noco yononi cuscan nicacoinfain nan yoia cuscacoin min huatiroran, —huaiton.


Ascan noco noicoiainton non mumisi. Natianri noco noiyaiton non icoinra huatiro. Diosin nantifihuun noimisiquin. Tsoan afu rafushon futsafori noicoinmisi. Ascarifiai Upa Diosin afu rafupacunaca.


Tsoa futsacai mia cuscara sharacoinma. Mirus fusti min noco Numamisi. Mirus fusti min ahuamamishti huatiro. Toquirininhuancai tsoan shucatiroma. Nanscarifi ai min nocon Diosi min acai cuscacai tsoan mia nitu huatiroma.


Manifoti anoafoan Upa Dios cachiquiri huaafo ato isharamapaiyai cuscan atamarocon chacacoin tapiafo. Tsoacai shara tapimisima. Tsoa fusticai isharamisima.


Upa Diosin noimisiquin. Ascan tsoan Dios noiyamaquin onancoiantaima.


Nocon Upa Diosin nai muran ifiashon nuno mai ano noco shara huashofafaini. Nantofin nantifi noco oni huashosharaniquin. Fari non oshu non fishifo non nantifi chashaifoti Upa Diosin onihuani. Ahuara shara futsaforifi nantifi noco onihuashoni. Noco shara fustisi onihuashoni. Nanscarifiai fari tsacaino nocon yoshin samamashta fiananantiro. Asca Diosincai fianananpacunacama. Ascataricain ointi rananya ipanacama. Nanscasipacunaca.


Un mia chacahua cuscan mian rauhua. Min fasi shara. Tsoan mia cufiain min fasi atohuun noiquin.


Nocon Ifo Diosin nantifi yorafo ato shara huamisi. Nan fustitofin ato oni huaniquin. Atohuun ramapaiquin.


Ascano nocofunu aqui ichotoshini. Ichotoshitan ratoconun mai chachishon yoini, —Tapimamisiton, minfin sharacoinquin. ¿Unmun ahuuscatiroquin Dios fu ipashquin? —ishon yocaiton.


Diosin yononi cuscan min tapian. Isca huaquin noco yoini, “Futsa rutuyamacahuun. Maton ahuinma fu iyamacahuun. Ascanori maton funumafuri iyamacahuun. Ahuara onuyamacahuun. Chaniri yoiyamacahuun. Fuparayamacahuun. Maton upa yafi uhua nicasharafain ato shara huacahuun,” —ishon Jesús yoini.


Swiv nou:

Piblisite


Piblisite