Marcos 1:45 - Sharanahua: Diospan Tsain

⁴⁵ Nicatamarocon samamashta ato yoifoanfafaini, —¡Oincapon! Jesús ua caya huashara, —ishon ato yoifoanfafaini. Ascaiton nicacani yorahuanrasi Jesusqui fupaifiacani Jesús iquitiroma ini. Ascano tsoan istaipama caano pushurasiti aqui cuyo funifo.

Marcos 1:45 Referans Kwoze

Marcos 2:13

Jesús nanscacaini afanan ian cusumunri caino yorahuanrasi afanan aqui funifo. Ascano ato yosini.

Mateo 9:31

Anori yoifiacun nan rafutan nantifi nanno icafo atoqui chaninifo.

Marcos 3:7

Ascatan Jesús yafi afu rafumisifori nannoashu ianmanhuan Galilea ano fonifo. Foaifoanno yorahuanrasi Jesusqui funifo. Galilea anoashu fuaifo Judea anoashu fuaino Jerusalén anoashu fuaino Idumea anoashu fuaino unu Jordán chaimashta icafori fuaino Tiro yafi Sidón anoashuri aqui funifo.

Mateo 28:15

Ascashon ato pui inanfoanno focashon nan niaifofoan ato yoiafo cuscan nannoricoin ato yoinifo. Ascaiton nan maifoti anoafo futan Israelifoan nicanifo. Ascano nantian icoinra huanifo ranushumuafoan ato yoiaifo cuscan nicacaquin.

Tito 1:10

Ascashon yora ichapafoan Diospan tsain nicacasmafain nan Dios fu tsainti pushu murannoafo cushumisifori ato nicacasmacani. Ascashon tsain mutsama ipaitsi yoiafo. Nan Moisés yononi cuscan tanamisifo atirififo nanscarafo.

Mateo 9:26

Ascano Jesús shotocofacu man naafiacun funia nicacani pushufoti chanifoanfafainifo.

Marcos 3:20

Ascatan Jesús yafi afu rafuafo pushu muran iquinifo. Iquiano yorahuanrasi a nicapaicani aqui funifo. Ascano ato yosiaino a futan afu rafuafoan ahua piinifoma.

Marcos 7:36

Ascano Jesús yorahuanrasi yoini, —Un nocofunu nicatiroma caya huama cuscan tsoa yoiyamacahuun, —ato huafia nantifiton yorafo chanifoanfafainifo.