Lucas 9:43 - Sharanahua: Diospan Tsain

⁴³ Ascaino oincani mustairicatan, —Diosin ahuamamishti huatiroran, —icashu yoinannifo.

Lucas 9:43 Referans Kwoze

Mateo 17:22

Ascatan Galilea ano nocofu caquin afanan Jesús noco yoiquin isca huani, —Un mato yoimisi cuscan afanan un mato yoi. Futsan ua ato achimashquin ua rutunonfo. Ascafia osha rafu non fustitan un afanan mai murannoashu funishquiran, —ishon Jesús noco yoini. Ascaiton nicaquin non fasi shinancoinni nocon nomuran noconi.

2 Pedro 1:16

Ascacun nonfin mato tapimamisi nocon Ifo Jesucristo ahuamamishti huatiro, —Afin chipo nocoqui nasoshquiran, —ishon non mato yoimisi. Non mato yoimisi cuscan nocofunufoan aton nomuranshon shunipafo onihua cuscacai non mato yoimisima. Noficoin non oinmisi cuscan non mato tapimana. Upa Diosin Jesús chashamapacufoannaiton man non oinni.

Lucas 8:25

Ascaiton ato yoini, —¿Ahuuscai un nunofiano ua icoinra huatama man ratuai? —ishon Jesús ato yoini. Ascaino fasi ratucani mustairicatan afi ranan yocanonannifo. —¿Noco ifomun tsoaquin? Fuuhuan yafi ian nan yoiai cuscan man nishma hua, —icashu afu rafuafo yoinannifo.

Lucas 5:26

Ascaiton oincani nantifi mustairicatan yoiquin isca huanifo, —Dios tsoa cuscarama. Fasi sharacoin. Non oinyomisima cuscara non oianran, —ishon yoinifo.

Lucas 4:36

Ascaiton oincani mustairicatan afi ranan yoinancaquin yoinifo, —Jesús fasi ahuamamishti huatiro. Iscaracai ahuashta non oinyomisima. ¿Ahuuscashomun ahuun tsainmansi curushcai yoshin chacafo atomaquinoa potaquin? —icashu yoinannifo.

Marcos 6:51

Ascatan shasho muran atoqui nanuinacahuani. Nanuano fuu nishmapacufoanni. Ascaiton afu rafuafoan, —¡Aira! ¿Ahuuscashocon Jesús isca huaimun? —huanifo.

Salmos 139:14

Ascacun un mia aicho huai mian oni huaquin shara huani. Tsoan futsacai min acai cuscan atiroma. Nanfin mun tapicoianquin.

Lucas 9:42

Ascashon furun ihuushonaino yoshin chacanun afanan musta mustaimainifoanaino pacuni. Ascaiton Jesús yoini, —Minfin yoshin fasi chacacoinquin. Na facumaquinoashu catahuun, —ishon Jesús curushcai yoiaino facu cayani. Ascaiton Jesús apa yoini, —Naquian min facu. Iyosharatahuun, —huani.

Lucas 18:43

Ascaino nantian oinsharariscatan yoini, —¡Aicho! Man mian caya huaa shara. Dios shararan, —icashu afu caiton oincaquin futsafoan arifi, —¡Aicho! Dios fasi sharacoinran, —ishon yoinifo.