Lucas 9:33 - Sharanahua: Diospan Tsain

³³ Ascashu nan rafu man Jesusmaqui caino Pedronun yoini, —Ifon, nuno non ica shara itiro. Non mia tapasi rafu non fusti huashonon. Mina futsa non Moisésna futsa non Eliasna futsari non huashonon, —ishon yoifiashocai Pedronun tapinima raquirimain huaaquin.

Lucas 9:33 Referans Kwoze

2 Corintios 4:6

Diosin shafa oni huataima yoiquin isca huani, —Faquishcun shafan inonran, —ishon yononi. Nanscarifiai non Jesús ifoantaimano nocon ointi nan faquish cuscara chaca ipaoni. Ascan Diosin Jesucristohuunshon nocon ointi muran chashamana non ahuunshon tapinon ahuu cuscara sharamainquin.

Juan 14:8

Ascaiton Felipe cumani, —Ifon, noco Upan Dios ismapun. Min noco Upa Dios ismaino non unimacointiro, —huaiton.

Lucas 5:5

Ascaiton Simón cumani, —Tapimamisiton, non nushushifiaquicai shiman fustishta non fiishiama. Non fasi yonoshina. Ascafia min noco yoiai cuscan natian non huaicai, —ishon Simón yoini.

Marcos 10:38

—Ua man yocan cuscacai man tapiama. ¿Un omitsiscashquiain cuscan manrifi man omitsiscatiromun? —Jesús ato huani.

Mateo 17:14

Ascatan machi anoashu fotocuranaino yorahuanrasi aqui noconifo. Ascaino nannoshon nocofunun ratoconun mai chachipacufoan Jesús yoini,

Salmos 73:28

Asca uncai ato cuscarama. Unfin Diosi fu rafupacunacaquin. Nanscarafin fasi sharaquin. Upa Diosifin nantifi iquinanquin. Un aqui caiton ua cushusharai. Unfin nantifi yorafo yoiquin isca huaiquin, —Nocon Ifo Diosifin ahuara sharafo huafafainiquin, —ishon un ato yoishquin.

Salmos 27:4

Un niyoashu uhuun Ifoan pushu muran un ipai a oinpacushquin. Nanfin fasi sharacoinquin. Un shafatifi uhuun Ifo oinpai ahuun pushu muranshon oinquin ahuunoa shinanfafainshquin. Nan fusti un uhuun Ifo yocain ua ashonon.

Mateo 17:4

Ascaiton Pedronun yoini, —Ifon, nuno non icashara itiro. Man ascapaiyaiton un mato tapasi rafu non fusti huashotiro. Mina futsa non Moisésna futsa non Eliasna futsa un mato ashotiroran, —ishon yoini.

Lucas 9:34

Ascashu nan tsaincai muran atoqui coin manipacufoannaino coin muran nii futsuashu ratucoinnifo.

Lucas 9:49

Ascaiton Juanpan yoini, —Tapimamisiton, non oian nocofunun min anuhuunshon yoshin chacafo atomaquinoa potaiton. Nancai no fu rafumisima. Ascacun nan non yoiquin isca huaa, “Asca huayamahuu. Min no fu rafumisimaquin. Asca yoshin chaca yorafomaquinoa min potatiromaran,” ishon non yoiaran, —Juanpan huani.