Lucas 4:37 - Sharanahua: Diospan Tsain

³⁷ Ascatan nan Jesús aca cuscahuunoa yorafo yoifoanfafainifo.

Lucas 4:37 Referans Kwoze

Lucas 4:14

Ascatan Jesús Galilea ano nasoni. Diosin Yoshin Sharapan a iquinaino ahuunoa nicanifo. Galilea ano icafoan nicaifoanno a chaima icafoanri nicanifo.

Marcos 6:14

Ascatan Jesús ahuamamishti atiro cuscan nantifi yora nicacani. Ahuunoa yoifoanfafaini. Atirififoan yoinifo, —Jesusfin Juanquin nan ato unu muran iquimamisiquin. Afanan man funia. Ascacufin tsoan atiroma cuscan Jesús Diosinhuunshon ahuamamishti huatiroran, —icashon atirifiton yoinifo. Atirifoanri yoiquin, —Jesusfin Eliasquin, —huanifo. Atirifiton yoini, —Jesús Diosin tsain yoimisiquin. Nocon caifo Diosin tsain nocon shunifoan yoini cuscan Jesusri nanscacoin huaquin yoiaran, —ishon yoinifo. Ascano niaifon Herodes afo nicashon yoini, —Naanfin Juanquin. Mun tushtufiati afanan funiaran, —ishon yoini.

Marcos 1:28

Ascatan chanifoanfafainifo Jesús aca cuscan ahuunoa Galilea anoafo yoifoanfafainifo.

Mateo 9:26

Ascano Jesús shotocofacu man naafiacun funia nicacani pushufoti chanifoanfafainifo.

Marcos 1:45

Nicatamarocon samamashta ato yoifoanfafaini, —¡Oincapon! Jesús ua caya huashara, —ishon ato yoifoanfafaini. Ascaiton nicacani yorahuanrasi Jesusqui fupaifiacani Jesús iquitiroma ini. Ascano tsoan istaipama caano pushurasiti aqui cuyo funifo.

Mateo 9:31

Anori yoifiacun nan rafutan nantifi nanno icafo atoqui chaninifo.