Lucas 21:19 - Sharanahua: Diospan Tsain

¹⁹ Ascan omitsiscafiaquin man ua potama nan man naitian uhuun tsain tanasharashu Upa Dios fu man ipasharashquin.

Lucas 21:19 Referans Kwoze

Hebreos 10:36

Ascan Diospan tsain cununi isca huaquin, “Jesús oti chaima. Matoqui samamashta nocoshquin. Nantonfin afin tapiaquin ahuutianmain nocoqui ooshquicain. Ascashu oicai ichaipacushquima,” ishon cununi. Ascacun man Jesús tanasharai cuscan omitsiscafiaqui tunucahuun. Unupaiyamacahuun Diosin mato amapaiyai cuscan ashon nan mato yoiyotiani cuscan man fiishquin.

Mateo 10:22

Ascasho nantifi yorafoan man ua icoinra huacun uhuunshon mato noicasmacani. Ascan omitsiscafiaquin man ua potama nan man naitian uhuun tsain tanasharashu Upa Dios fu man ipasharaiqui.

Apocalipsis 3:10

Ascano omitsiscafiai un mato yonoa cuscan funaquima man tunucoinmisi. Uhuun tsain nicafain ua tanasharashori man ua cachiquiri huamisima. Ascacun chipo nantifi yorafo manifoti anoashu fasi omitsiscaifotian ratofomain Diospan ahuun yoracoinfoquin tapishcani. Ascashu nantifi icoinra huamafo omitsiscaitian un mato cushusharashquin nanfo omitsiscai cuscan man omitsiscanonma.

Romanos 5:3

Ascatari non Jesushuunoashu omitsiscafiaquin non shinanchacaquima Jesús tununi cuscan non tunucointiro. Ascatan non unimatiro.

Romanos 2:7

Nan tsoaran Diosin ato imapaiyai cuscan amisiton futsafo shara huafafaini tsain shara Upa Diosin atohuunoa yoisharaiton nicapaicani. Isca huaquin, —¡Aicho! Un mia yonoa cuscan min amisi. Un miqui unimai. Min ufu ipasharatiroran, —ishon nicapaicani. Afu ipashquin. Nan cuscarafo Upa Diosin aya ato imapacunaca.

Apocalipsis 13:10

Nan yoina pofu cuscaraton Jesús icoinra huamisi futsafo cunu muran iquimapaiquin iquimashquin. Ascan ato rutupaiquiri ato rutushquin.” Ascafia uhuun yoramishtichin shinanchacayamacahuun. Nan non Jesús icoinra huafoti non omitsiscafiaquin non tunucoinshquin nocon Ifo Jesús cachiquiri huashquima.

Salmos 37:7

Nocon Ifo Diosi ahuun ointaifin puusitama manacahuun. Funacaquinma. Ascan chaca huamisifoan ahuara chaca huaifo cuscan fuchipaiyamacahuun. Nanfo oinquin shinanchacayamacahuun. Nanfoanfin chaca fustisi shinancaniquin.

Apocalipsis 14:12

Ascancunfin uhuun yoramishti maton ointi fupuima sharacahuun. Omitsiscafiaquin tunucahuun. Diosin noco yononi cuscan acahuun. Nocon Ifo Jesús cachiquiri huayamacahuun.

Hebreos 6:11

Man yorafohuun noiai cuscan unupacuyamacahuun. Ato shara huafafaincahuun tushcuicaquima. Nan Jesús oai chain natianri Dios yonosharashocoinfafaincahuun. Man ascaifin nan man manamisi cuscan Upa Diosin mato inanshquin. Ascashu man Jesús cuscara shara iishquin.

Mateo 24:13

Ascafia nan omitsisca huafiaifoan tsoan ua cachiquiri huatama tunufain uhuun tsain tanasharacun un cushusharatiro Uhuun Upa Diosin icano afu ipasharanon.

Apocalipsis 1:9

Unquian Juan un matofu Jesús ahuun yora. Ascacun man uhuun yorafo. Nantifi non icoinra huafo noco iquinashu no fu rafupacunaca. Man Jesushuunoashu omitsiscafiaquin man tunumisi. Man mumisi cuscan urifi un mumisiquin. Un Diosin tsain yoifain Jesushuunoari ato yoimisi. Ascacun aton niaifofoan ranushumuafo yonoa ua achicashon ua mai futsan ahuun anu Patmos ano ua nichinifo. Nan mai unu toomanhuan ano.

Hebreos 6:15

Ascaiton nicaquin Abraham funaquima mana sharapaoni. Nan yoiyotiani cuscan furun Isaac ahua cainni.

2 Tesalonicenses 3:5

Upa Diosin fasi matohuun noiai nocon Ifoan mato tapimapainon. Cristo ahuara ahuuscarafiaino tunucoinni cuscan marifi ahuunshon man tapisharapainon.

Romanos 8:25

Ascafia noco ihuiataima funaquinma non manasharayotiro.

Lucas 8:15

Ascafia ushu futsafo mai shara ano pacuashu foaiquin yosiashu fimi ya itiro. Nanscarifiai futsafoan Diospan tsain nica cuscan icoinra huashu ahuun nomuran sharacoin. Ascaquicai Diospan tsain nicafo cuscan cachiquiri huacanima. Ascashon nanfoanri futsafo icoinra huamatirofo.

Salmos 40:1

Un funaquima nocon Ifo mana ua ashonon. Un cunaiton ua nicafain ua oian.

Romanos 15:4

Nantifi Diosin tsain cunupacuni noco tapimashquin. Cununiri non icoinra huashon ahuara chaca finonfiaquin non tunucoinnon. Ahuun tsainhuunshon nocon ointi non fupi huamashon non tapitiro nocon Ifo fu nai muran chipo afu ipashquin afanan ahuara chaca finonshquima.

Romanos 5:4

Non tunuaino Upa Diosin nocoqui unimatiro non Jesús cuscara isharashquin. Non isharaquin non tapitiro non chipo afu ipasharashquin.

Santiago 1:4

Man ascashu Jesús cuscara ahuun tanamisicoin shara man itiro. Ahua futsacai man yopaima isharashquin.

2 Pedro 1:6

Ascan mafi man apaiyai cuscan fusti shinancaquima ahuunoashu isharafain ahuara ahuuscarafiaino tunufain Dioshuunoa fusti shinanfafaicahuun.