Lucas 20:25 - Sharanahua: Diospan Tsain

²⁵ —Niaifo Cesarnaran, —huaifoan. —Ascan Cesarnacun nan inancahuun. Ascan Diosinacuri Dios inancahuun, —ishon ato yoiaiton.

Lucas 20:25 Referans Kwoze

1 Corintios 10:31

Un mato tapimasharanon. Ahuara man pifain ayafain man ahuarashta futsa huai cuscari acafiri futsafoan Diosihuunoa shinansharanonfo.

Hechos 5:29

Ascan Pedro futan Jesús fu rafumisi futsafoanri cumacaquin. —Nocofunun noco yonoa cuscan nicatamarocon Upa Diosin noco yonoai cuscan non nicacointiro.

Marcos 12:17

—Ascan Cesarina inancahuun. Diosinna Dios inancahuun, —ishon ato yoini. Nicacani mustairinifo, —¡Aira! Ahuun tsain tsoancai tafitiromaran, —icashu yoinannifo.

Mateo 22:21

—Niaifo Cesarinnaran, —huaifoan. —Ascan Cesarinacun nan inancahuun. Ascan Diosinacun Diosiri inancahuun, —ishon ato yoiaiton.

Mateo 17:27

Ascaiton yoini, —Min ua cuma cuscan iconfia non na pui fimisifo nocoqui shinanchacamapaima. Ascacun ian ano catahuun shuamaquin shiman fiishquin. Ascashon ahuun shaqui murannoa toro fuchishon min fitiro uhuuna yafi mina nan Dios fu tsainti pushu murannoa pui fimisifo nocohuunshon ato inanshquin, —ishon Jesús yoini.

1 Pedro 4:11

Ascan ichananshon Diospan tsaincoin ato yoicahuun. Diosicoinchi yoicafisca huaquin. Ascan Diospan curushhuunshon futsafo shara huashocahuun. Ascacun nantififain Jesucristohuunshon Upa Dioshuunoa yoisharanonfo. Man ascaiton oinquin nantifi yorafoan yoitirofo isca huaquin, —¡Aicho! Upa Diosin fasi shara. Furun Jesucristohuunshon ahuamamishti huatiroran, —ishon yoishquicani. Nocon Ifo Jesucristo arus fusti shara huamisi. Nantocai ahuashta chaca huapanacama. Arus fusti ahuun curushhuunshon ahuamamishti huapanaca. Asca huapacuquicain ununacama. Nanscasi huapanaca.

Lucas 20:24

—Ua mato toro fusti ismacahuun, —ato huaiton. Ismaifoan ato yocani, —¿Tsoa ointsa torohuun nuuamun? ¿Tsoan ahuun anuri nuuamun ua yoicahuun? —ishon ato yocaiton.