Lucas 2:34 - Sharanahua: Diospan Tsain

^34-35 Ascashon Simeón Diospan Yoshin Sharahuunshon ahua María yoisharaquin isca huani, —Min facu nan nocon caifo Israelifo atirifoan nicacasmacanashu omitsiscapanacafo. Ascan min facu nicacasmaifoanno min fasi shinanshquin. Ascafia nocon caifo atirifoan min facu icoinra huacanashu fasi unimacoinshcani. Ahuunshon yora ichapafain aton nomuranshon shinainfo cuscan puashcaniran, —ishon Simeón yoini.

Lucas 2:34 Referans Kwoze

1 Corintios 1:23

Anori ifiainfoanno non isca huamisi, —Jesucriston ihui coyan iquinanqui noco nashoni nocon chaca soashoshquin, —ishon non yoimisi. Ascafiacun uhuun caifo Israelifoan yoiquin isca huaafo, —Ihui coyan iquinanqui mastancai nocon Cristo itiromaran, —ishon shinancani. Israelimafoan Cristohuunoa nicacani aqui cashupaicani, —Tsoancai nanscara icoinra huatiroma. Futsan noco nashoni nocon chaca noco soashoshquin, —ishon yoimisifo.

Mateo 21:44

Unfin nan pushu quishi cuscaraqui. Futsafoan uhuunoa cayacafi tapimana cuscan icoinra huayamashu funocoinshcani. Un atoqui sinaqui omitsiscapanacafo muran un ato potashquin, —ishon Jesús ato yoini.

1 Pedro 4:14

Ascan man Cristo tanacun Upa Diosin mato shara huashoin. Ascashon ahuun Yoshin Shara mato ya rafumapacushquin. Ahuunshon man mutiro Jesús matofu ica. Ascan mato roafiaifoanno unimacoincahuun.

Hebreos 7:7

Icon nantififain man non tapicoian tsoan futsafo finoncoinshon ahuun tsainman ato shara huatiro. Ascacun non tapitiro Melquisedec Abraham finoncoian.

Romanos 9:32

¿Ahuuscain iscaimun? Un mato yoinon. Nanfoancai Diospan Furun Jesús icoinra huaafoma aton chaca soanon. Ascatamarocon Moisés ato yononi cuscahuunoashu isharapaiafo aton chaca soashquin. Un mato ahuara futsa nicamapai. Toquiri fasi uhuapa fai naqui raca finonpai aqui oroshcomutiro.

Hechos 6:7

Ascatan Diosin tsain mai futsafoanriri yoifoanfafainifo. Jerusalén anoshon samamashta icoinra huanifo Jesús tanamisifo ica ini. Israelifoan aton yorafohuunshon Dios cufimisifo ichapafoanri Jesús icoinra huacashon ahuun tsain nicacoinnifo.

Hechos 24:5

Nan nocofunu Pablonun fasi nocon caifo Israelifo fucash huamisi. Icafoti mucamamisi. Nocon caifo amaquiri shinanmapaiyaifoan aton anufo Nazarenonfo. Pablo aton niaifo.

Hechos 17:6

Ato fuchiyamacaquin Jasón yafi icoinra huaa futsafo achinifo. Achicashon niaifofo ano ato iyonifo. Iyoshon isca huanifo, —Pablo futan Silaspan manifoti anoafo shinanchacamamisifo. Natian nuno nocon mai anori man fuafo.

Hechos 13:45

Fasi yorahuanrasi ichanannifo ato nicacani. Israelifoan oincani Pablo yafi Bernabequi sinanifo. Ascano yoiafo, —Pablonun noco yoiai cuscan chacacoin. Jesuscai Diospan facumaran, —ishon yoinifo. Ato roanifo.

Juan 5:18

Ascano amaquiri shinannifo. Shinancaquin Jesús yoiti huanifo. —Nocon shuni Moisés yononi cuscan non Sabado ahua huatiroma. Jesús Moisés yononi cuscan aquima. Yoiari Dios ahuun Upacoin. ¡Cuu! Jesús shinanmun afi Upa Dios cuscaracoin. Ascan ahuuscashomain non Jesús ato rutumatiroquin. Non shinanoncahuun, —icashu nocon niaifofoan ahuun yoinannifo.

Juan 3:20

Faquish noiquicai tsoa shafa oinpaitiroma. Nanscarifi aquin chaca noicanicai uqui fupaicanima. Uqui ranocani uqui oshon chaca huaifo cuscan tapicasmacani. Chaca huaifo cuscan ato oinmacasmacani.

Mateo 27:63

Focashon yoinifo, —Niashu nan Jesús chanishunin yoimisi, “Un naashu osha rafu non fustitan un afanan funitiroran,” imisi.

Mateo 12:46

Ascatan Jesús yorahuanrasi yoi tsaincai muran ahua yafi chipocufo noconi. Ascano aqui iquishon ahuara yoipaifiacaquin chifishon mananifo.

Éxodo 39:43

Nan aton yonoquin anaitishon Moisés oinnisharamainquin. Ascatari oinni Diosin ato yononi cusca nantififain shara huashonifo. Ascashon ato yoini, —Aicho. Nocon Ifo Diosin yononi cusca man nanscacoin huashoanquin. Nocon Ifoanfin mato shara huashquiquin, —ishon Moisés ato yoini.

Génesis 47:7

Ascatan José ahuun apa Faraonqui iyoni. Ascan Jacob Faraón yoini, —Uhuun Upa Diosin mia shara huairan, —ishon yoini.

Génesis 14:19

Asca huatan Melquisedec Abram yoiquin isca huani, —Nocon Diosin nantifi finoncoian. Nanton nantifi onihuani. Nantifi mai anoa oni huafain nai murannoafori oni huani. Abram, Diosin mia shara huanon. Upa Diosin nantifi finoncoian fasi sharacoin. Ahuunshon nan mia noicasmafo min ato finonfain ato min achiaran, —ishon Melquisedec Abram yoini. Ascaiton Abram nantifi aya cuscan fusti rasi Melquisedec inanpacuni.

Hebreos 7:1

Ascatarifi natian un Melquisedechuunoa mato yoinon. Nanfin Salem pushurasi anoafoan aton niaifo iniquin. Nanrifi nantifi yorafohuunshon Dios cufimisi futsafo finoncoian ini. Nanfin Abrahamqui noconiquin. Nan mucu fustiti niaifofo yomutso chacafo ato ichoshon ahuun piaca mafofo yafi futsafoan mafoforifi afanan ato fishotani Abraham oaino nan Melquisedec Abrahamqui fai pochinin noconi ahuun pushu ano naso curani oaino. Ascashon isca huaquin yoisharani, —Abraham, Diosin mia shara huairan, —ishon yoini.

Hechos 28:22

Non nicamisi manifoti anoafoan Jesús icoinra huafoqui tsain chaca huafo. Ascan min icoinra huai cuscan non tapipairan, —ishon yoinifo.

1 Samuel 2:20

Ascatan Elí Anapan funu Elcana yoisharani isca huaquin, —Min ahuin Anapan Diosi cufini facuyashquin. Ascan ahuun facu cainyaitian Ana nocon Ifo Diosi facu inanni. Ascatan min ahuin Ana nocon Ifohuunshon mia facu ichapa inanpainonran, —ishon Elí yoini. Ascatan Elcana yafi Ana aton pushu ano nasonifo. Apa yafi ahua nasoaifono Samuel Elí fu nituni.