Lucas 16:25 - Sharanahua: Diospan Tsain

²⁵ Abraham cumani, “Upan, min shinainmamun min mai anoashu isharapaoni. Asca Lázarofin omitsiscapaoniquin. Asca natianfin Lázaro man isharaquin fasi unimasharacoinquin. Asca minfin natian fasi omitsiscaiquin.

Lucas 16:25 Referans Kwoze

Lucas 6:24

Ascacun futsafo Jesús yoiqui isca huani, —¡Ohua! Manfin natian mafo ichapayashu unimaicain. Ascafia naashu man chipo omitsiscapanaca. Mancai afanan unimanacama.

1 Juan 2:15

Ascatan ahuarafoan Upa Diosimaqui noco imapaiyaifo afo noiyamacahuun. Ahuarafo yora chacafoan aton nomuran shinainfo cuscan afo noiyamacahuun. Afo noiquicai man Dios noicointiroma.

Marcos 9:45

Nanscarifi aquin min tau rafu yashon min raquira capai ahuara chaca huapai mifiri oshatumua shara icuana. Min tau rafu ya omitsiscapanacafo muran catama min tau fusti ya Upa ari nocotiro nipashquin. Nanscara shara itiro.

Filipenses 3:19

Jesús ato amapaiyai cuscacai shinantama nan afin apaiaifo cuscan fusti shinancani. Pifain ayafain huacaquin. Nan fusti shinancani. Ascashon nan nocofunufoan ainfofohuunoa fusti shinancani. Nanscarifi ainfofo aifono nocofunu futsafo yasi icaifoanno. Nanscara chacafosi huacani. Nanscaisi tapiafo. Non chacaforan itama noncaifin sharaquin icafo. Afanancai tsoa rafipaitirofoma. Nanscarafo nacanashu omitsiscapanacafo muran focani.

Hechos 14:22

Nanno Jesús tanamisifo Diosin tsain yoinifo aton ointi fupihuamashquin Jesús tanaquin finacoinnonfo. —Diospan tsain cachiquiri huayamacahuun. Jesús fusti icoinra huacahuun. Upa Diosin nantifi iquina ano non nocoataima non niyoashu non fasi omitsiscatiroran, —ishon ato yoini.

Hebreos 11:25

Ascan Moisés aafin tapini Egipcio niaifo icashu fasi isharacain arifi ato futan fari ranan unimacain chaca huatiro. Ascafiacai Moisés ascapainima. Ascapaitamarocon shinanquin isca huani, —Uncai Egipciofo futan chaca huapaima. Ascatama uhuun caifo nan Diospan yorafo omitsiscaifo cuscan urifi un atofu omitsiscairan, —ishon shinanni.

Apocalipsis 7:14

Ascaiton un cuma, —Ma. Uncai tapiama. Minfin tapiaquin. Minfin ua yoitiroquin, —un huaiton. —Nanfo fasi omitsiscani. Ascaifoan Diospan Furun nan chashoan facu cahuanshara cuscaraton ato nashonihuunshon ato chaca soashona ato imasharanon. Nanscacun ato sahuuti oshopa shara sahuumana.

Juan 16:33

Un mato yoiafo uhuunshon maton ointi man unimamafain man isharanon. Nuno icoinra huafoma murannoashu omitsiscafiacaquin shinanchacayamacahuun. Un Satanás yafi icoinra huafomati finoncoianquin. Ascan un mato cushuicai, —ishon Jesús noco yoini.

Lucas 16:23

Ascano omitsiscapanacafo muran cashon nan mafo ichapayaton Abraham yafi Lázaro foisquin oian icafo ini. Arishon chii isin tunuyamacaiquin cunani.

Lucas 16:20

Asca futsan ahuun anu Lázaro nocofunu mafo ichapayaton ahuun cunu caincaiti ano tsaoni. Yoratishon coyoashu tsaocun pashnan aqui oshon ahuun coyo ano tashoni. Ascaino Lázaro ahuuomaton shinanni, “Na nocofunu mafo ichapayatomain nan tushu huaa ua inanpainonrati,” ishon shinanni.

Daniel 5:30

Ascan nan yamutan futsafoan Babiloniafoan aton niaifo Belsasar rutunifo.

Salmos 73:7

Asca aton nomuran mutoafo chaca huapaiyai cuscan tsoa unumisima. Nanfofin curafiapaimisifoquin. Chaca fustisi shinanfafaicani.

Mateo 27:63

Focashon yoinifo, —Niashu nan Jesús chanishunin yoimisi, “Un naashu osha rafu non fustitan un afanan funitiroran,” imisi.

Lucas 16:26

Mia ari capaifiaicai non ahuuscashu catiroma. Mirificai min ahuuscashu nuno nocoqui otiroma. Manhuanhuan rafutan noco naquihua. Tsoan finontiromaran,” ishon Abraham yoiaiton.