Lucas 15:18 - Sharanahua: Diospan Tsain

¹⁸ Asca natian un afanan uhuun Upa ari cai. Nocoshon uhuun upa un yoitiro isca huaquin, ‘Upan, un Dios chaca huafain miari chaca huamisi.

Lucas 15:18 Referans Kwoze

Lucas 15:21

Ascaiton apa yoiqui isca huani, “Upan, un Dios chaca huafain miari un chaca huamisi. Asca un afanan natian min facu cuscara itiromaran,” ishon yoifiaino.

Lucas 18:13

Ascafiainocai nan niaifo pui fishomisiton anori yoitama. Mananquiri foistamari. Tutipacutsishon shochi sutu sutuaquin yoini, “¡Ohua! Diosin, un mia fasi chaca huamisi. Uhuun ramapaihuu. Un chacaquin,” huani.

Mateo 6:14

Ascacun futsafoan mato chaca huafiacun ato rauhuacahuun. Ascacufin maton Upa Diosin nai muranshon man aqui chaca huaa cuscari rau huatiroquin.

Mateo 6:9

Ascashon cufinquin isca huacahuun, “Nocon Upa nai murannoaton min fasi sharacoin. Nantififain mihuunoa yoisharapainon.

Mateo 3:6

Ascashon aton chaca shatupaicaquin yoiaifoan Juanpan unu Jordán muran ato iquimapacuni afanan ipaoni cuscan huatama ismanonfo.

Mateo 7:11

Ascacun tapicahuun. Man chaca huamisifiashon maton facufo man inansharamisi. Man ascaiton maton Upa Diosin nai murannoaton man yocai cuscan finacaia mato inansharashquin.

Lucas 11:2

—Isca huacahuun, —ishon Jesús ato yosini, “Nocon Upan nai murannoaton min fasi sharacoin. Manifotiton aton niaifo iishquin mia ifoannonfo.

Daniel 4:26

Nan min namapan min oian cuscan ihui ahuun foro yafi ahuun tapofo nituan cuscan. Nanhuunshon Diosin mia tapimapai min yoiquin isca huanon, “Ifo Diosin nai muran icaton nantifi manifoti ato iquinaran,” ishon min yoiafin afanan min niaifocoin iishquicain. Manifoti min ato iquishquin.

Lucas 15:17

Ascaquicai nan chaca shinanpaoni cuscan afanan shinanpainima. Nantian cayacafi shinanquin isca huani, “¡Ohua! Uhuun upa ahuun oinmatifoan natian man piisharafo. Aton tushufori man tushu huafo. Asca unfin nunoashu fonicoin naicain.

Lucas 15:19

Ascan uncai natian min facu cuscara itiroma. Natian min yonoshomisi cuscara un itiroran,’ ishon uhuun upa un yoishquin.”