Biblia Todo Logo
Bib sou entènèt

- Piblisite -




Lucas 14:17 - Sharanahua: Diospan Tsain

17 Ascano man itishara huashon ahuun oinmati nichini ato yoitanon. Yoiqui isca huani. “Nan un chani huafo ato yoi foanfafaintahuun isca huaquin, ‘Man nantifi itishara huaqui. Fucahuun,’ ishon ato yoitahuun,” huani.

Gade chapit la Kopi




Lucas 14:17
17 Referans Kwoze  

Ascano Upa Diosin Cristohuunshon noco fiananan huaa afanan non noicasmanonma. Ascan natian Cristohuunoashu non ahuun yorafo inon. Ascatan noco yonoa norifi ahuunshon yorafo yoiquin isca huanon, —Cristo Ifo huacahuun. Afanan Diosimaqui iyamacahuun ahuun yorafo iishcaquin, —ishon non yoitiro.


Uhuun yoramishtichin, manfin Abraham ahuun funafoquin. Uhuun caifomafiashon Dios icoinra huatan marifi ua nicacahuun. Upa Diosin ahuun Furun nichini nocon Numamisi inon. Na tsain shara Jesushuunoa manifoti Upa Diosin yoipai.


Ascano fusitin ahuun unutaquin Jesús yorahuanrasi muran ninacahuan oi ashcafinin ato yoiquin isca huani, —Nicacapon. Un mato yoinon. Diosin mato yonomapaiyai cuscan man huashopai uqui fucahuun. Ua icoinra man huacun un mato Diospan Yoshin Shara mato ya rafumapacunaca. Tsoan ua icoinra huaiton Diospan tsain cununi cuscan ahuun shaqui muran unu tsosia shara cuscara a muran foiran, —ishon Jesús ato yoini. Unucoinhuunoacai yoinima Diospan Yoshin Sharahuunshon ato tapimani isca huaquin, —Tsoan ua icoinra huaiton Upa Diospan Yoshin Shara afu rafupacunaca. Ascan Diospan Yoshin Sharahuunshon ahuun nomuranshon yorafo yoishquin afoanrifi icoinra huacanashu nipasharanonfo, —ishon ato tapimani. Jesús apa Dios ari nasoataima yorafoan aton niaifo inon. Ascan nan icoinra huafoti Diospan Yoshin Shara atoqui nichiataima.


Jesús cumani, —Nocofunu futsan tushu ichapa itishara huashon yora ichapafo chani huani a futan piishquin.


Asca huano caashon ato yoiaiton, “Un cayotiromaran,” ishon yoipacunifo. Futsan yoiquin isca huani, “Un rama mau fia. Natian un mau ari capai oincai. Ascacun un mia yoi un ari cayotiromaran,” ishon yoini.


Swiv nou:

Piblisite


Piblisite