Lucas 12:40 - Sharanahua: Diospan Tsain

⁴⁰ Nanscarifiai marifi itisharacahuun. “Iscaino nocon ifo oimaran,” ishon shinanyamacahuun. Ahuuscara atanaino un matoqui nocoriscaiquin, —ishon Jesús ato yoini.

Lucas 12:40 Referans Kwoze

1 Tesalonicenses 5:6

Ascacun noncai itisharafoma cuscarama. Nanfoan niyoashu nan oshan muran cuscarafo. Jesús oaitianhuunoacai shinanfoma itisharashquin. Ato cuscara iyamacahuun. Nantishotapiquin Diospan tsain nicasharacahuun Jesús oaitian man itisharashcaquin. Ahua chaca shinantamarocon afin mato amapaiyai cuscan fusti shinancahuun.

Apocalipsis 19:7

“Nocofunun ainfo fiaino ainfo unimacoin itisharatiro ahuun funu fu fianain. Nanscarifiai nocon Ifo Jesús nan chashoan cahuanshara cuscara natian ahuun yorafo afu imapacui. Ascan ahuun yorafo man itisharafo afu ipashcaquin. Ainfoan ahuun funu unimamai nashitiro. Nashishon saya funa sharashtacoin patsashon sahuutiro afu fiananshquin. Nanscarifiai ahuun yorafoan itisharashon Upa Diosin aton chaca soashonon Jesús fu ipasharanonfo. Ascacun non unimanon. Tsoa futsancai mia cuscara sharamaran non nocon Ifo huanon,” ishon yoiafo. Diospan yorafoan Jesushuunshon futsafo shara huamisi. Ascan Diosin ato sahuuti sharashtacoin sahuumana Jesús fu ipasharanonfo.

Romanos 13:11

Un mato yoiai cuscan acahuun. Nocon Ifo Jesús oti chaima. Non icoinra huaquin tau huani chain. Oshapaimisi cuscara iyamacahuun. Oshapaicai non yonosharatiroma. Nanscarifiai shanicaquima. Jesús yonoshosharacahuun itisharashcaquin.

Mateo 25:13

Nanscarifiai ahuutiaran un afanan matoqui oshquicain tsoan tapiama. Ascacun itisharacahuun.

Romanos 13:14

Ascatama nocon Ifo Jesucristo icai cuscan acahuun. Ahuarafoan mato chaca huamatiro afohuunoa shinanyamacahuun chaca huashcaquima.

Mateo 24:44

Nanscarifiai marifi itisharacahuun. “Iscaino nocon Ifo oimaran,” ishon shinanyamacahuun. Ahuuscara atanaino un matoqui nocoriscaiquin.

Mateo 24:42

Ascacun itisharacahuun. Un maton ifofiacucai marifi man tapiama ahuutiamain un afanan matoqui oshquicain. Un mato yoimisi cuscan nanscacoin acahuun.