Lucas 1:53 - Sharanahua: Diospan Tsain

⁵³ Ratoran futsa ahuuomafo foni cuscarafo fasi Diosihuunoa tapipai tanasharashcaquin. Nanscarafo Diosin ato cushusharatiro. Ascashon ahuara yopai cuscan ato inansharafain a tanasharaifoanri ato unimamashquin. Ascashon ahuara ichapa ayafofiashu Diosihuunoa shinanyamaifo copiquirifi ato ahuara inainma. Man mafo ichapayafiashu ato nomuran shinansharayamafain tsoa unimamisima.

Lucas 1:53 Referans Kwoze

Lucas 6:21

Man natian Dios fu rafupaicain ahuun tsainri man tapipaiquin finai a cuscara shara iishcaquin. Man ascafia Diosin chipo mato imasharai a cuscaracoin man inon. Natianri man uaifiashu chipo man shuchitiro. Ascacun unimacahuun.

Salmos 34:10

Asca yora ahuara ichapaya chipo afanan ahuara ichapa aya itiroma. Ascashu chipo nanfo fonaintirofo. Asca tsoan Ifo Diosi icoinra huaashufin ahuara sharafocai afanan tsoa yopapacunacama.

Lucas 6:24

Ascacun futsafo Jesús yoiqui isca huani, —¡Ohua! Manfin natian mafo ichapayashu unimaicain. Ascafia naashu man chipo omitsiscapanaca. Mancai afanan unimanacama.

Mateo 5:6

Ascan nan ratoranfo Diosifu ipaiquin ahuun tsain tapipaiquin finaifo a cuscara shara iishcaquin. Nan cuscarafoan fuchipaiyaifo cuscan Dios ato imatiro a cuscara shara inonfo.

1 Corintios 1:26

Uhuun yoramishtichin shinancapon. Diosin mato catoantaima ahuu cuscaramain man iyomisiquin. Man fustirasiton man cunu tapiaino maton muranri niaifo fustirasi. Nan Jesús icoinra huamafoan yoiquin isca huafo, —Afocai ahuamaran, —ishon matohuunoa yoicani.

Juan 6:35

Ascaiton Jesús ato cumaquin, —Unfin nan tushucoinquin. Tsoan fonicoin cafiscai ua onancoinpaiquin ua tanaino aton nomuran fucashtamarocon isharapacunaca. Nanscarifiai tsoan nomicoin cuscara ua fasi fuchipaitan ua icoinra huacun un ato nimapacunaca. Acai afanan funopacunacama. Isharapacunaca.

1 Samuel 2:5

Nan futsafo ahua yopapaonima natian fonicoin. Ascan futsafo fonicoinpaoni natian mayancoianfo. Ainfo toosma natian siete facuya. Ainfo futsan facu ichapaya ipaoni natian afanan facu nanutiroma. Ascashucai shafatifi unimaima.

1 Corintios 4:8

Manfin shinanquin isca huaquin, —Non Diosin tsain tapicoian. Non futsafo fasi finoncoian. Ascan noncai tsoa futsa yopaima noco tapimanon. Nonfin niaifo cuscarafoquin, —ishon man shinan. Iconpainon. Man niaifocoin icaino nantian norifi non matofu niaifo icuana. Asca tsoatsi niaifocoin. Nonmaquian.

Lucas 1:54

Ascafiaifoanno nocon caifofo Israelifofin Diospan oinmatifoquin. Ascashon non ahuara acai cuscan noco ashomisi. Nonfin noco shuni Abraham ahuun funafoquin. Ascacun nocohuun ramapaipacunaca. Nannori Upa Diosin nocon shunifo yoiyotianiran,’ ” ishon María yoini.