Juan 7:42 - Sharanahua: Diospan Tsain

⁴² Diospan tsain cununi cuscan, “Cristo David funa inon. David ipaoni nannoashuri Cristo cainshquiran,” ishon Diospan tsain cunushoni. Ascan Cristocai Galilea anoashu caintiromaran, —ishon yoinifo.

Juan 7:42 Referans Kwoze

Mateo 2:5

Ascaiton cumacaquin, —Belén Judea murannoashu cainshquin, —nannori Diosinhuushon inon pacoai yoimisifoan cunuquin isca huani.

Lucas 2:4

Ascacun José yafi María Nazaret pushurasi Galilea murannoashu focani Belén pushurasi Judea mai ano noconifo. Nan Belén David ahuun mai ini. José David ahuun funa. Ascacun arifi Belén ano cani.

Lucas 2:11

Na yamutafin Belén nan mato shuni David cainni anoashuri maton Numamisi cain huanquin. Naanfin Upa Diosin matoqui nichiaquin. Nan maton caifoan manamisifo. Nanrifi maton Ifoquin.

Mateo 1:1

Un mato Jesucristohuunoa tsain shara tapimai. Ahuun shunifoan aton anufo un mato yoiqui tau huai. Ahuun shuni David yafi Abraham.

1 Samuel 16:1

Ascan nocon Ifo Diosin Samuel yoini isca huaquin, —Mun yoia Saulcai afanan Israeli niaifo itiroma. Ascan afanan ahuunoa shinanyamahuun. Min moi masho muran shuni manuhuun. Asca huatan Belén pushu rasi ano catahuun. Nanno a nocofunu Isaí icano catahuun. Ahuun furun futsa un catoan Israeli niaifo inon, —ishon Diosin yoini.

1 Samuel 16:18

Futsan nica cuscan yoini. —Niaifon, mun nican Isaí pushu rasi Belén ano ica ahuun facu futsan manuti fasi tapisharacoian tsain shara yoifafainni. Ascanori nan pushcohuai ahuaqui ratuyamacain mutsisipa shara ahuun fuso fupishtacoin. Nocon Ifo Diosi a fu icaran, —ishon yoini.

Juan 7:27

Ascafiancai Jesús nocon Numamisi itiroma. Nocon Numamisicoin oaiton non tapitiroma raniashumain oicain. Ascan nan nocofunu Jesús raniashu oamainquin man non tapiaran, —ishon yoinifo.

1 Samuel 17:58

Ascaiton Saúl David yocani, —¿Pushcoshtan, ua tapimahuun min upa tsoamainquin? —ishon yocaiton. David cumani, —Uhuun upa anufin Isaiquin. Belén pushu rasi anofin icaquin, —ishon cumani.

1 Samuel 16:4

Ascan nocon Ifo Diosin yoia cuscacoin Samuel huani. Belén ano nocoaino niaifo patasharinoafo fasi ratucoincaquin Samuel yoiquin isca huanifo, —¿Ahuara chaca finoanshu min oamun? ¿Ascayamarai unimai min oamun? —ishon yocanifo.

Mateo 2:6

“Belén anoafoan ua nicasharacahuun. Maton mai Judea muran. Maton pushu ichapayamafiano nannoashu niaifo uhuapacoin cainshquin. Uhuun yora Israelifoan aton cushumisi iishquiran,” icashu cununi.