Juan 6:5 - Sharanahua: Diospan Tsain

^5-6 Nanno non tsaoano yorahuanrasi funifo. Aqui fuaifoan atoquiri fusoshon Jesús oinni. Ato oinquin shinantani nan yorafo fonicoincani. Ahuuscashomain ato pimaicain afifin tapiniquin. Ascashon Feliperifi icoinra huamapaini ahuuscashomain ato pimaicain. Ahuun tsainmansi ahuamamishti atiro tapimapaini. Ascano Jesús Felipe yocani, —¿Raniamun non tushu fiicai na yorahuanrasi pimashquin? —ishon yocaiton.

Juan 6:5 Referans Kwoze

Mateo 15:33

Ascaiton non cumani, —Nuno tsoa icamanocai non tushu fuchitiroma na yorahuanrasi pimashquin, —ishon non yoiaiton.

Juan 4:35

Man yoimisi isca huaquin, “Yono noco mau ano fanafo cuscara oshu rafu non rafuri finontan non chitutiroran,” ishon man yoimisi. Nanscarifiai man shinan raca chipo non yora Dioshuunoa yoitiro a Ifo huaa afu ipashcaquin. Oinyocahuun. Yora ichaparasi natian itisharacani Diosin icoinra huashcani.

Juan 1:43

Ascan iyoconaino Jesús shinanni isca huaquin, —Un Galilea ano cairan, —ishon shinanni. Caquin Felipe fuchitan yoini, —U fu cahuun, —huani. Nicatan afu cani.

Números 11:13

¿Raquiamun un nami fuchitiroquin ato pimashquin? Uaiyanan ua yocafafaicani, “Noco nami pimahuu,” ishon ua yoifafaincani.

Marcos 6:32

Ascano shashohuanun tsoa icama ano fonifo.

Lucas 9:10

Ascashu chipo afu rafuafo Jesusqui naso cashon nan acafo cuscan Jesús yoinifo. Ascaiton nicaquin Jesús ato yoini, —Pushurasi Betsaida ano nocotisi non fononfocahuun, —ishon ato yoini.

Juan 1:44

Felipe non Andrés non Pedrori pushurasi ahuun anu Betsaida ano inifo.

Juan 1:45

Ascatan Felipen Natanael fuchishon yoini, —Moisés Diosin yononi cuscan cununi isca huaquin, “Un Numamisi matoqui nichishquiran,” ishon Diosin yoini cuscan Moisés aqui cununiquin. Nannorifi Diosin tsain yoimisi futsafoan yoinifo. Nancai man non fuchiaran. Jesusfin José ahuun facu Nazaret anoaquin, —huaiton.

Juan 1:46

—¿Ahuatomun noco Nazaret ano shara huashotiroquin? —Natanael huaiton. —Ohuu, Oinshquin, —Felipe huani.

Juan 1:48

Nicatan Natanael cumani, —¿Ahuuscashomun ua oinyamafiamisishaquin min ua onantiroquin? —ishon yocaiton. —Felipe mia cunataima un anoyamafiashon ihui huiguera namannoa un mia oian, —Jesús huaiton.