Juan 21:10 - Sharanahua: Diospan Tsain

¹⁰ Ascatan Jesús noco yoiquin, —A man rama shiman fia futsan fucahuun, —huani.

Juan 21:10 Referans Kwoze

Juan 6:11

Ascano tsaoafono Jesús mucu fustiti misi fitan Apa Dios yoiquin isca huani, —¡Aicho! Upan, min ua nicaran, —ishon Apa Diosin yoini. Yoitan misi yafi shiman rafu tucupacutan noco inanni. Anoshon non ato pashcashonpacunon. Ficashon picani maiancoinnifo.

Juan 21:9

Non cusumun nocoquin oian chi cutuai ini shiman shoi yafi yoa chi cusumun raca ini.

Juan 21:11

Ascaino Pedro shasho naqui nanupacucahuan noco nushuti cusumun sharashon. Non oian shimanoanfo nushuti fospicoian. Ciento cincuenta tres shimanoanfo fospicoinfiashocai nushuti fashnunima.

Juan 21:13

Ascanshon Jesús noco pimaquin noco nantifi yoa yafi shiman inanni.

Lucas 24:41

Ascaiton oincaquin ato nomuran shinannifo, —Namaparaca non oincatin, —ishon shinannifo. Icoinra huacuatama fasi aqui unimacoinnifo. Ascaiton nan iconcainran huacaicainonfo ato tushu yocani.