Juan 19:23 - Sharanahua: Diospan Tsain

²³ Ranushumuafoan Jesús mastaifono ahuun sahuuti fianpacunifo. Pashcananpacushon mani rafu non rafuri machinifo. Ascano ahuun sahuuti chainipa ashcapari chichia tushu huayonifo.

Juan 19:23 Referans Kwoze

Lucas 23:34

Ascashon mastaifoan Jesús Apa cufini, —Upan, ato rau huahuu. Ua isca huaifo cuscan tsoan tapiamaquin. Un min facufiacun tapiafoma, —ishon Jesús apa cufini. Mastacatan ahuun sahuuti pashcananshcaquin. Aya cashuti ya cashunifo nan finonmanaton ahuun sahuuti fiqui tau huani.

Marcos 15:24

Ascatan Jesús ihui coyan iquinanqui mastanifo. Mastacatan ahuun sahuuti fianshcaquin. Toquiri tocoro rafu ya cashuqui potapacunifo. Nan finonmanaton ahuun sahuuti fiqui tau huani. Asca huapatan cuyonfianifo.

Mateo 27:35

Asca huatan Jesús iyocashon mastanifo. Mastacatan ahuun sahuuti fianpacunifo. Toquiri tocoro rafuya cashuqui nan finonmanaton ahuun sahuuti fiqui tau huani. Ascashon cuyonfianifo.

Hechos 12:4

Achimashon cunu muran iquimani. Ascashon ranushumua dieciseis cushuriapaonifo. Nantianri Israelifoan aton fuusititian Diosin nai oinmatinin aton shunifoan facu iyoafofosi finonmani shinanshcaquin. —Nan fuusititian cuyoano un Pedro cunu murannoa cainmayoshquin ahuun caifoan oinonfo. Ascano un yoishquin nanton chaca huaquin rutucahuun un ato huashquinran, —ishon Herodes shinanniquin.