Juan 15:7 - Sharanahua: Diospan Tsain

⁷ Man ufu rafucoinshon uhuun tsain maton nomuran shinanfafainquin man ahuarashta cufia cuscan Upa Diosin mato ashotiro.

Juan 15:7 Referans Kwoze

Salmos 37:4

Nocon Ifo Diosihuunoa fusti shinain aqui fasi unimacahuun. Man ascaiton maton nomuranshon man fuchipaiyai cuscan nocon Ifo Diosin mato inanshquin.

1 Juan 5:14

Non Upa Dios cufiai cuscan arifi asca huapaiquin noco ashontiro. Ascaino ranotama non Upa cufitiro. Noco ashoain cuscan tapicoinshquin.

Juan 14:13

Ahuara uhuun anuhuunshon Uhuun Upa man yocaiton un mato ashotiro. Ascaiton yorafoan “Upa Dios shararan,” huanonfo.

1 Juan 3:22

Non anori shinainfin Upa Diosin noco yonoai cuscan non aicain. Non ascaino nocoqui Upa Diosin unimatiro. Ascatan non yocai cuscan noco inantiro.

Juan 15:16

Man ua catonyamafiaiton ufi un mato catoan ua cuscara man inon matohuunshon futsafoanri ua icoinra huanonfo. Nanfoan ua tanapacunacafo ufu ipashcaquin. Asca huaino man ahuarashta Upa Dios uhuun anuhuunshon yocaiton mato ashotiro.

Mateo 7:7

Afanan ahuara futsa un mato yoiai cuscan nicacahuun. Ahuara yopaquin Upa Dios yocacahuun mato ashonon. Man yocain cuscan funaquima manasharacahuun nan Diosin mato ashoaitian. Ascacun Upa Diosin cufifafaincahuun man cufiai cuscan mato inanon.

Juan 16:23

Un funiaitian un afanan matofu iyamano man afanan ahuara ua yocaima. Un mato icon yoinon. Uhuun anuhuunshon man Upa Diosin yocatiro. Ahuarashta uhuun anuhuunshon man Upa yocaiton mato inanshquin.

Gálatas 5:16

Ascan un mato yoi Diospan Yoshin Shara nicacoincahuun ahuunoashu isharashquin. Afin mato yoitiro raqui cacaimain man ahuuscaicain. Nicacoinshocai afanan man apaoni cuscan maton nomuranshon ahuara chaca huapaifiaquicai man aquima.

1 Juan 2:27

Ascafiaquin Upa Diosin ahuun Yoshin Shara matoqui nichini matofu rafupacunon. Natianri ahuunshon man iconcoin tapia. Nan fusti non yopai noco tapimanon. Afin mato tapima cuscan shafatifi maton nomuran ahuun tsain nanucoincahuun afu rafushquin.

Salmos 119:11

Uhuun nomuranshon min tsain shara un nanua mia chaca huashquima.

Deuteronomio 6:6

Un na shafatan mato yonoai cusca yoihuun isca huaquin, “Nocon Ifo Diosin ua yonoa cusca shafatifi un ashoincain. Uncai ahuara futsa shinanshquimaran,” ishon maton nomuran nannori shinancoincahuun.

1 Juan 2:14

Anifomishtichin, un cunua cuscan ahua oniataima Upa Dios iyopaoni. Nanmain ahuu cuscaraquin man man tapia. Ascan un nannori mato cunushoni. Pushcohuaifoan, Satanás mato amapaiyai cuscacai man amisima. Jesús tanasharashquin. Ascan Jesushuunoashu man mutsisipacoin. Diospan tsain maton nomuran man man nanua icoinra huafafainshcaquin.

Colosenses 3:16

Cristo noco tapimani cuscan huafain maton nomuran nanucoincahuun. Nantofin mato iquinaquin. Ascan ahuun tsain tapisharashon futsafo yari tapimatanancahuun isharashcaquin. Mato nomuranshon Diosin aicho huafain David fanainni cuscan fanain ishocain ahuun tsainhuunoari fanaincahuun.

Juan 8:37

Mun tapia maton shuni Abraham. Man ahuun funafofiashon uhuun tsain man nicacasmai. Ascashon man ua rutupai.

Juan 8:31

Ascano Jesús nocon caifo nan icoinra huafo yoini, —Un mato yoiai cuscan nicacoianshufin uhuun tanamisicoin man itiroquin.