Juan 15:16 - Sharanahua: Diospan Tsain

¹⁶ Man ua catonyamafiaiton ufi un mato catoan ua cuscara man inon matohuunshon futsafoanri ua icoinra huanonfo. Nanfoan ua tanapacunacafo ufu ipashcaquin. Asca huaino man ahuarashta Upa Dios uhuun anuhuunshon yocaiton mato ashotiro.

Juan 15:16 Referans Kwoze

Juan 15:19

Marifi man ua icoinra huayamaiton matori noicuanafo. Afi ranan noinanfo cuscan matori noicuanafo. Ascafiacai man ato cuscarama. Un mato catonni icoinra huama cuscarafo man inonma. Ascacun icoinra huamafoan mato noicasmacani.

Efesios 2:10

Diosin noco onihuani non Jesucristohuunshon yonosharashonon. Noco oni huataima noco amapaiyai cuscan shinanyoni non futsafo shara huashonon.

Lucas 6:13

Ascashu iyoconaino a tanamisifo yoini, —Uqui fucahuun, —ato huaino aqui fuafoan doce ato catonni afu rafunonfo.

Gálatas 1:15

Un caiantaima Upa Diosin ua fasi ramapaiquin ua catonni un ahuun yonoshomisi inon. Upa Diosin ua yoimamapaiyai cuscan uhuun caifoma un ato Furun Jesucristohuunoa tapimanon. Uncai nocofunu futsa fu tsainnima ua tapimanon. Upa Diosin afin ua catonnitian un Jesús fu rafumisifo ari catama. Unrocon Arabia mai ano cani. Nannoashu un chipo Damasco pushurasi ano nasoni.

1 Juan 4:19

Non Upa Diosihuun noiataima afincoin nocohuun noitauni. Nocohuun noiaino norifi natian non Upahuuri noicointiro.

Hechos 22:14

Ascashon ua yoini, “Nocon shunifoan aton Diosin mia catoan mia amapaiyai cuscan min tapitiro. Ahuun Furun shara oinfain ahuun tsain nicashquin.

2 Timoteo 2:2

Un futsafori Jesucristohuunoa yoimisi cuscan mirifi man min nicamisi. Ascano nocofunufoan min icoinra huaa cuscan arifi icoinra huafoan ato catonhuun. Min nicamisi cuscan atorifi tapimahuun nanfoan futsaforifi cayacafi tapimasharanonfo.

Juan 13:18

Uncai nantifi matohuunoa yoima. Un tapian ahuutimain un catoanquin. Ascafiacun Diosin tsain yoia cuscacoin non icoinra huatiro. “Nuno u futan piyai futsan ua chaca huaashquin.”

Juan 6:70

—Un mato doce catonni. Un mato catonfiani matofu rafumisi futsan Satanás yoshin chaca ahuun nuumisiton, —ishon noco yoini.

1 Pedro 3:15

Ascatama maton nomuranshon nocon Ifo yoiqui isca huacahuun, —Criston minfin uhuun Ifocoinquin. Mincai ahuashta chaca huamisima. Minfin shara fustiquin, —ishon yoicahuun. Ascatari futsafoan mato yoiquin isca huai, —Ahuuscashocon min tapiain min Dios fu ipashquiain, —ishon mato yocaiton iquisi itisharacahuun ato tapimasharashquin.

1 Juan 4:10

Mai ano nichini nocohuunoashu noco nashonon nocon chaca soashoshquin. Nan shinanquin non tapitiro Upa Diosin noco noicoinmisi. Noiaicoin futsacai ascaranma. Noncai futsafo noifiai ascatiroma.

Hechos 1:24

Aton catoncashon Upa Dios cufinifo, —Ifon, nantifi nocon nomuran non shinain cuscan min tapicoian. Noco tapimahuun ratocaimain nan nocofunu rafu min catonpaicain mifu rafumisi no fu inon.

1 Pedro 3:2

Maton funufoan mato yoiaiton nicatimacaquima nicasharafain man Jesús cuscara isharaiton oin atirifoan nocon Ifo icoinra huatirofo.

Romanos 15:4

Nantifi Diosin tsain cunupacuni noco tapimashquin. Cununiri non icoinra huashon ahuara chaca finonfiaquin non tunucoinnon. Ahuun tsainhuunshon nocon ointi non fupi huamashon non tapitiro nocon Ifo fu nai muran chipo afu ipashquin afanan ahuara chaca finonshquima.

Hechos 9:15

Yoifiaiton, —Un mia yoia cuscan catahuun. Un na nocofunu catoan Israelifoma non aton niaifofo non Israeliforifi uhuunoa ato yoinon.

Mateo 21:22

Ascacun man icoinra huacoinshon ahuarashta man Upa Dios yocaiton mato ashotiroran, —ishon Jesús noco yoini.

Salmos 145:4

Nantifi yorafoan aton funafo mihuunoa yoisharashquicani. Yoitirofo min acai cuscan fasi shara. Yoicaquiri min ahuamamishti acai cuscan aton funafo yoishquicani tapinonfo.

2 Timoteo 1:11

Upa Diosin ua catonni Jesucristo fu rafumisi icain ahuun tsain shara Jesushuunoa un futsafo yosinon.

1 Corintios 10:11

Nan nocon shuni Israelifoan chaca huapaonifo cuscan noco cunushoni norifi non aton cuscara inonma omitsiscashquima. Natianri nocon Ifo Jesús oti chaima. Ascacun non itisharanoncahuun nocon Ifo nocoaitian non aton cuscara chaca inonma.

Romanos 9:21

Cutin onihuamisiton mapo nan apaiyai cuscara shara cutin huatiro. Futsa amuran ahuara chaca nanuti huafain futsa amuran ahuara shara nanuti huatiro.

Santiago 3:18

Ascashon nannorifosi man shinainno futsafori man shinanmasharatiro isharacoinnonfo Jesús cuscara shara ishcaquin.

Hebreos 11:4

Nocon shuni Abel Dios icoinra huashon chashoanun facu inanquin nan Dioscoin inain cafisca huani. Ascan Diosin aqui unimacoinni. Ascan ahuun ochin Caincai ascara inima. Nan Caín icoinra huayamaitocai nantori inanpaiyai cuscan Diosin fuchipainima. Ascan ahuun ushto Abel icoinra huacoincun ahuunoa Diosin yoiquin isca huani, —Min ua inanshararan, —ishon yoini. Abel man Dios icoinra huashu man naafianicun non ahuun caoaino nocoqui Diosin unimacointiro.

Tito 1:5

Un mia Creta mai tomahuan ano nichifaini non ato yonoshoni cuscan min anaitinon. Ascacun un mia yoini isca huaquin, —Nan pushurasifoti cushumisifo catonhuun ichananfo cushusharanonfo, —ishon un mia yoini.

Colosenses 1:6

Nan tsain shara Jesushuunoa nicaquin tau huaquin man icoinra huani. Ascashon nicaquin man tapini nan iconcoin. Diosin matohuun ramapaiquin Jesucristohuunshon maton chaca soashoni man icoinra huanon. Ascacufin nan tsain sharahuunoashu man fiananan. Nicacani arifi manifoti nanscarifi amisifo.

Romanos 1:5

Non ahuara shara huahuunshocai Upa Diosin noco catonnima. Ahuun Furunhuunoashu nocohuun ramapaiquin noco catonni afu rafumisi inon. Noco nichini nocon caifomari non ahuun tsain yoinon ahuun Furun Cristo icoinra huanonfo.

Hechos 10:41

Atirifoancai oinyamuama. Ratoranfo nan Upa Diosin catoanfoansi oinyamuafo. Mai murannoa funiano non a futan pifain ayayamua.

1 Timoteo 2:7

Ascacun Upa Diosin ua catonni Jesús fu rafucain ahuunoa uhuun caifomafo un yoinon. Atorifi un Jesushuunoa icon yoiaiton icoinra huanon. Ascan uncai mia paraima. Icon fustisi mia yoi.

Colosenses 1:23

Ascano nan tsain shara Jesucristohuunoa icoinra huashon man ahuara futsa shinanyamaitocai Upa Diosin matohuunoa yoipacunacama isca huaquin, —Min fasi chaca huamisiran, —ishoncai yoipacunacama. Ascatamarocon man icoinra huaaquin unuyamaiton oinquin nan mato yoiyotiani cuscaino mato ihuishquin man afu ipanon. Man Jesushuunoa tsain shara nicaquin tau huani cuscan nannoricoin un manifoti ato tapimani. Ascacun unquian Pablo un Upa Diosin tsain yoifoanfafainmisi Jesushuunoa ato yoishquin.

Génesis 18:18

Chipo Abrahamhuunoashu ahuun funafo caifo ichapa icain mutsisipacoinfo iishquicani. Ascano ahuunshori un nantifi manifoti shara huashquin.

Romanos 1:13

Uhuun yoramishtichin tapicahuun. Uhuun caifomari un ato Jesushuunoa yoimisi tanasharanonfo. Nanscarifi un mato huamapai. Mun catacatamisi ifiacuanano ahuara futsa huai un camisima.

Hechos 1:8

Ascafia Diospan Yoshin Shara matoqui oshon ahuun curushu mato inanshquin. Ahuun shinanhuunshon uhuunoa man ato yoifoanfafainon. Un amisi cuscan huafain un yoimisi cuscari man man oinmisi man nicamisi cuscan nantifi uhuunoa man ato yoitiro. Nuno Jerusalén anoa yoifain nantio Judea muran yoifain Samaria ano yoifain nantifi manifotiton uhuunoa man yoifoanfafainon, —ishon ato yoini.

Mateo 7:7

Afanan ahuara futsa un mato yoiai cuscan nicacahuun. Ahuara yopaquin Upa Dios yocacahuun mato ashonon. Man yocain cuscan funaquima manasharacahuun nan Diosin mato ashoaitian. Ascacun Upa Diosin cufifafaincahuun man cufiai cuscan mato inanon.

Juan 15:5

Unfin nan fana ahuun caya cuscaraquin. Ascan manfin ahuun poyanfo cuscarafoquin. Tsoa ufu rafucoincacainaino urifi un afu rafucoiaino ua cuscaracoinri itiro. Ua maisicai marusu man ahuuscatiroma.