Juan 1:46 - Sharanahua: Diospan Tsain

⁴⁶ —¿Ahuatomun noco Nazaret ano shara huashotiroquin? —Natanael huaiton. —Ohuu, Oinshquin, —Felipe huani.

Juan 1:46 Referans Kwoze

Juan 7:52

—Min tsain Galilea anoafoan tsain cuscarari. Shinanhuun. Tsoashtacai Galilea anoashu Diosin tsain yoimisi fuafoma. Nannoricoin Diosin tsain noco yoicoinni. Oinyotahuun tapinon, —ishon Nicodemo cumanifo.

1 Tesalonicenses 5:21

Ahuara futsan mato yosipaiyaiton Diospan Yoshin Sharahuunshon a yocacahuun nan tsain yoiai cuscamain icon iyamarai iconmaquin. Ascano nan tsain icon fusti tanasharacahuun. Tsain iconma icoinra huayamacahuun.

Lucas 12:57

¿Ahuuscain mafiri man cayacafi shinansharaimamun?

Mateo 2:23

Ascashu Nazaret pushurasi muran fonifo. Diosihuunshon inon pacoai yoimisiton nannori cunuquin isca huani, “Cristofin Nazarenon ishquiquin,” ishon cununi.

Juan 1:44

Felipe non Andrés non Pedrori pushurasi ahuun anu Betsaida ano inifo.

Juan 1:45

Ascatan Felipen Natanael fuchishon yoini, —Moisés Diosin yononi cuscan cununi isca huaquin, “Un Numamisi matoqui nichishquiran,” ishon Diosin yoini cuscan Moisés aqui cununiquin. Nannorifi Diosin tsain yoimisi futsafoan yoinifo. Nancai man non fuchiaran. Jesusfin José ahuun facu Nazaret anoaquin, —huaiton.

Juan 6:5

Nanno non tsaoano yorahuanrasi funifo. Aqui fuaifoan atoquiri fusoshon Jesús oinni. Ato oinquin shinantani nan yorafo fonicoincani. Ahuuscashomain ato pimaicain afifin tapiniquin. Ascashon Feliperifi icoinra huamapaini ahuuscashomain ato pimaicain. Ahuun tsainmansi ahuamamishti atiro tapimapaini. Ascano Jesús Felipe yocani, —¿Raniamun non tushu fiicai na yorahuanrasi pimashquin? —ishon yocaiton.

Juan 6:7

Nicaquin Felipe cumani, —Ifon, non siete oshu yonoshon pui fiiyonon. Aticai itiromaquin na yorahuanrasi non piimaino, —ishon yoini.

Juan 12:21

Nococatan Felipe ano fonifo yocain focani. Nan Felipe Galilea mai ano nan pushurasi ahuun anu Betsaida anoashu cainni. —Non Jesús fu tsainpai. Noco ihuushohuun non afu tsainon, —ishon Felipe yoinifo.

Juan 14:8

Ascaiton Felipe cumani, —Ifon, noco Upan Dios ismapun. Min noco Upa Dios ismaino non unimacointiro, —huaiton.