Josué 7:19 - Sharanahua: Diospan Tsain

¹⁹ Ascatan Josué Acán yoini isca huaquin, —Tsain icocoin fusti yoihuun nocon Ifo Diosi noco yononi cuscan. Min ascaifin minrifi min nocon Ifo Dioshuunoa yorafo shinanmasharatiroquin. Dioshuunoa yoisharahuun. Min aca cuscan noco yoihuun. Ua fomanyamahuun, —ishon Josué Acán yoini.

Josué 7:19 Referans Kwoze

Juan 9:24

Ascano afanan a nocofunu fusho ipaoni yoimashon yoini, —Yoihuu. “Diosin ua cayahuaran,” ihuu. Jesuscaicon sharacufin. Chacafinquin. “Diosinfin sharaquin,” huahuu. “Jesús shararan,” huayamahuu. Non tapiafin Jesús chacaquin, —huaifoan.

Daniel 9:4

Un uhuun Ifo Diosi cufinquin non chaca huai cuscan un yoia isca huaquin, —Uhuun Ifon, min nocon Diosin. Minfin nantifi finoncoianquin. Min ahuara huatiro cuscacai atirififain tsoan oinyomisima. Min ahuamamishti huatiro. Non mia noicoiaiton min noco yonoa cuscan non aiton min noco yoiyoni ahuara sharafo huashoshquin.

Salmos 32:5

Upa Diosin ipaitama un chaca hua cuscan mun mia yoia. Uncai afanan mia fomainma. Mun yoia isca huaquin, —Natian un chaca hua cuscan uhuun Ifo un yoiquin, —ishon un yoiaiton min uhuun chaca ua soashona. Minfin ua rau huaquin afanancai uhuun chacahuunoa min shinainma. Urifi uncai afanan uhuun chacahuunoa shinainma. Uhuuncai afanan chaca nuama.

Apocalipsis 16:9

Farin fasi shanacoinquin yorafo coa. Coaino omitsiscafo. Man tapiamisifo Diosin ato onaintimai aton chaca shatuafoma. Dios ifoantamarocon. —Diosin noco chaca huai. Ahuun cuscaramain Diosiquin. Chacacoinran, —ishon yoiafo. —Diosifin sharaquin. Nantofin ahuamamishti huatiroquin, —ishoncai tsoan anori yoipaicanima.

Santiago 1:20

Upa Diosin Furun cuscara shara noco imapaifiaino non sinaitocai noco imapaiyai cuscan noco imatiroma.

Tito 2:2

Ascashon nocofunu iyoafofo yosihuu isca huaquin. Ahuara ahuuscarafiaino shinanchacatama shinanshara fustifain isharafo cuscan futsafoan atohuunoa yoisharatirofo icain ascashon cayacaficoin Diospan tsain tapicoinshon icoinra huacoinnafo icain futsafohuun noicoinfain ascatan ahuara chaca finoin omitsiscafiashon tunucoinonfo. Nannori nocofunu iyoafofo yosihuu.

2 Timoteo 2:25

Diospan tsain iconshara nicacasmaifori oi tsii huafain ato tapimasharahuun Diosin aton nomuran shinanma futsaino ahuun tsain iconcoin tapinonfo.

Romanos 10:10

Ascan maton nomuranshon man icoinra huacun Upa Diosin maton chaca soashotiro man isharanon. Man futsafo, —Jesucristo uhuun Iforan —ishon yoiaiton mato imapacunaca.

Lucas 17:18

¿Ahuuscaimun na nocofunu uhuun caifomafiashu nan fusti uqui nasoa Dios shara huapai futsafo uqui nasoyamafiaino? —ishon Jesús yoini.

Salmos 51:3

Un chaca hua cuscan mun tapian. Nanfohuunoa un shinanfafaini uhuun nomuran un omitsiscai.

Josué 7:20

Ascaiton Acán cumani isca huaquin, —Icon un nocon Ifo Diosi chaca hua. Unfin isca huaquin.