Josué 6:18 - Sharanahua: Diospan Tsain

¹⁸ Ascafia nannoa ahuara futsafo nantifi cuyoi futsushquin. Ascacun ahuara fiiyamacahuun matona inon. Tsoan nansca huaifin arifi naiquin. Norifi ahuunoashu nantifi Israelifo non omitsiscatiro.

Josué 6:18 Referans Kwoze

1 Juan 5:21

Ascano uhuun facufoan, ahuarafo Diosicoinma shinanyamacahuun. Nanti. Juan

Efesios 5:11

Nan Jesús icoinra huamafoan chaca shinainfo cuscan atofu chaca huatananyamacahuun. Ascatamarocon icoinsharaquifin a chaca huaifo man ato oinmacointiro.

Josué 7:1

Ascatan Israelifoan yoinifo Jericó murannoa ahuara sharamishti Diosina fusti itiro. Ascafia nan mani futsa Judá ahuun yora Acán chaca huani. Acán apa Carmi ahuun shota Zabdi ahuun shota apa Zara. —Nocon Ifo Diosin non nantifi cuno sharafo non inain ahuuna inon, —ishon Israelifoan yoifianifo Acán nan ahuara futsa fini. Ascano nocon Ifo Diosin Israelifoqui fasi sinani.

Josué 7:25

Ascatan Josué Acán yoini isca huaquin, —¿Ahuuscai min noco omitsisca huamun? Na shafatan nocon Ifo Diosin mia omitsisca huairan, —ishon yoini. Asca huatan nantifi Israelifoan Acán yafi ahuun yorafo non inafoya toquirinin tsacaquin futsaquin ato rutunifo. Ascashon ato coanifo.

2 Corintios 6:17

Ascano icoinra huamafo icaifo cuscan ayamacahuun. Ato fu rafufafainyamacahuun. Ahua chaca huayamacahuun. Man ascaino un matofu iishquin.

Santiago 1:27

Ascafia nan facu uhuaomacoinfo yafi ainfo funuomafo non cushusharaicai. Nan icoinra huamafoan acaifo cuscan non huaima non ascaino Upa Dios nocoqui unimai.

Romanos 12:9

—Un mato noiran, —ifiacatan parayamacahuun. Atoqui shinanchacayamacahuun. Yorafohuun noicoincahuun. Ahuara chacafo noicasmacahuun. Ahuara shara fasi noicahuun. Afo potayamacahuun.

Josué 7:15

Ascano nan rato nocofunun a mafo onua fuchishon rutucahuun cooashcaquin. Ua fasi chaca huaquin. Un mato yoiyoa cuscacai ua nicama. Manfin Israelifoquin nan nocofunun mato muranshon aca cuscan fasi chacacoin. Asca a non nantifi ahuun yorafori man ato rutushon cooatiroran, —ishon nocon Ifo Diosin Josué yoini.

Josué 7:13

Ascacun min caifofo yoihuun itisharanonfo aton chaca shatushcaquin un funamari ato yoishquin ai cuscan nicasharanonfo. Ato yoihuun isca huaquin, “Nocon Ifo Diosin mato yoi isca huaquin, ‘Man ua inanshquiain cuscan mato murannoa futsan man fishon nan ahuara onua. Man nan yora chaca fuchiyamaino ato rutuqui cuyoshquin uncai afanan mato fu itiroma mato cushushquin nan mato noicasmaifoan mato rutunonfoma,’ ” ishon nocon Ifoan noco yoi.

1 Samuel 15:9

Ascan Saúl yafi ahuun ranushumuafo Agag niaifo rutuyamafain nan chashoan sharafosi rutuyamafain moi sharafo non moi cahua shoa sharafo non chashoan cahuashara nan ahuara fuchipaicoiainfo cuyopaitamarocon ato cushunifo. Ascan ahuara chacafo non ahuamafo cuyonifo.