Josué 4:11 - Sharanahua: Diospan Tsain

¹¹ Ascano nantifi Israelifoan pocufainaino atohuunshon nocon Ifo Dios cufinmisifo nan cashoya ocuma futsa focashon nantifi I

Josué 4:11 Referans Kwoze

Josué 3:8

Nan nocofunufo matohuunshon ua cufinmisifo nan casho foaifoan ato yoihuun isca huaquin, “Man unu Jordán cusumunri nocotan unu muran niiyocahuun,” —ishon nocon Ifo Diosin Josué yoini.

Josué 4:18

Nannori nicacatan Josué ato yoia cuscan anifo. Nan Diospan tsain na casho muran focatan mapunifo. Ascano nan mai mutoano niafoanno unu Jordán afanan afafuranaino unu yosiriscatani. Nantian faitanhuariscatani.

Josué 3:17

Ascan nantianri nan Israelifohuunshon nocon Ifo Diosi cufinmisifo unu Jordán nushmancayan mai mutoano nan cashoya ninifo. Nanno niyoafoanno nantifi Israelifoan pocufainquin ato finonfainnifo. Ascano nannoshon nan Israelifohuunshon cufinmisifoan niishon manayonifo nantifi aton caifofo unu Jordán ocuma futsa nocosharanonfo.

Josué 4:10

Nan nocon Ifo Diosin Moisés yononi cuscan nannori Moisés Josué yoini. Ascano nantifi nan yonoa cuscan huacoinnaino Israelifohuunshon nocon Ifo Diosi cufinmisifoan unu Jordán nushmancayan niafoanno Israeli futsafoan unu ocuma futsa pocufainifo. Ascatan nantifi Israelifoan unu pocurisca huafainifo.

Josué 4:12

Nantianri Moisés ato yononi cuscan Israeli mani futsa rafu non fusti nan Rubén ahuun funafo non Gad ahuun funafo non atirifi Manasés ahuun funafo aton ashifo non aton piacatifoyashon ocuma futsa pocufainifo. Aton caifo Israelifoan ointaifi rucu pocufainifo.

Josué 24:11

“Ascan nan man unu Jordán pocufainni Jericó mai ano man noconi. Nan Jericó anoafo matoqui funifo mato rutupai. Jericó anoafoan mato rutupai cuscan nanscari huaquin Amorreofo non Ferezeofo non Cananeofo non Hititafo non Gergeseofo non Heveofo non Jebuseofori mato rutupainifo. Mato rutupaifiaifoan un ato nitumani nan mato rutuafomarocon man uhuunshon ato rutuni aton mai fiishquin.