Josué 24:17 - Sharanahua: Diospan Tsain

¹⁷ Nocon Ifo Diosin noco yafi noco shunifo nan mai Egipcio anoshon noco ihuuni. Egipcio mai anoashu non fasi omitsiscapaoni aton yonomatifo non ipaoni. Ascacun nocon Ifo Diosin noco Egipcio mai anoshon noco numani. Nocon Diosin ahuamamishti tsoa futsa atiroma cuscan noco ismani. Non Egipcio anoashu nuno non oaitian caifo futsafo aton maifo finon fuaiton nocon Ifo Diosin nantishotapiquin noco cushusharamisi.

Josué 24:17 Referans Kwoze

Éxodo 19:4

Un Egipciofo acai cusca man man oian. Nan tutupan ahuun facu ahuun catu camaqui iyotiro cusca huaquin un mato iyoa man ahuuscanonma. Unfin mato uqui ihuuaquin.

Josué 24:16

Nannori nicatan Israelifoan Josué cumani, —Noncai nocon Ifo Diosi potanacama. Dioscoinfomafoancai noco yonotiroma.

Josué 24:18

Nan caifo futsafo Amorreofo aton mai anoshon nocon Ifo Diosin ato potani nococai ahuusca huanifoma. Aton mai nocon Ifo Diosin noco inanni. Nanscacufin norifi nocon Ifon Diosi noco yonopaiyai cuscan non acoinnicain. Arus fustifin nocon Diosiquin, —ishon Israelifoan yoinifo.

Éxodo 13:3

Nannori nicatan Moisés ahuun caifo yoini isca huaquin, —Nocon Ifo Diosin ahuun curushhuunshon mato Egipcio mai arishon ihuua afanan Egipciofoan aton yonomatifo man inonma. Ascacun nan noco ihuua shafa nocoaitian faritifi nan shinancahuun. Ointiaquimayamacahuun. Nan shafatafin nocon fusiti shafa ipanacaquin. Nan shafatan misi farashatiya piyamacahuun.

Éxodo 13:14

Chipo ua nocon Ifo Diosin mato yonoa cusca man aino maton facufoan oincashon mato yocaquin isca huai, “¿Ahuuscai nocon fusiti shafa nocoano man iscatiromun?” ishon mato yocaifoan man ato yoitiro isca huaquin, “Nocon Ifo Diosin ahuun curushhuunshon noco Egipcio mai arishon ihuuni. Non Egipcio mai ano fari ichapacoin Egipciofoan noco curushcain yonopaoni. Non ato yonomatifo icaitian non fasi omitsiscapaoni. Ascano nocon Ifo Diosin ahuun curushhuunshon noco Egipcio mai arishon ihuuni.