Josué 1:7 - Sharanahua: Diospan Tsain7 Afanan un mia yoi uhuun curushhuunshon un mia amapaiyai cusca huafafainhuun. “Uhuun Ifo Diosin ua yonoa cuscan un atiroran,” ishon shinanhuun. Moisés mia yonoa cuscan nantifi ahuu. Nanfo cachiquiri huayamahuu. Ahua futsafo tanayamahuu. Min ascaino nantifi min acai cuscan shara iishquin. Gade chapit la |
Ascatan Israelifoan aton ointaifin Moisés Josué cunani yoiquin isca huashquin, —Nocon Ifo Diosin afin mi fu rucu cacain mi fu iishquin. Miacai potapacunacama mato fu icacainshquin. Nocon shunifo nocon Ifo Diosin yoini mai shara ano ato inanshquin. Nocon shunifoan ato funafo nan mai shara ano iyoshquin. Ascatari a mai pashcanan huai matona inon. Ascacun ahuun curushhuunshon mia amapaiyai cusca huafafainhuun. Shinanquin isca huahuu, “Nocon Ifo Diosin ua yonoa cusca ahuun curushhuunshoun un atiroran,” ishon shinanhuun. Caifo futsafoqui musuyamacain shinanquin isca huayamahuu, “Nocon Ifo Diosin ua yonoa cusca un atiromaran,” ishon nannori shinanyamahuun, —ishon Moisés Josué yoini.
Un mia yonoa cuscan uhuun curushhuunshon un mia amapaiyai cuscan huafafainhuun. Min raquira caino un mi fu cai. Ascacun shinanquin isca huahuu, “Uhuun Ifo Diosin ua yonoa cuscan un atiroran,” ishon shinanhuun. Futsafoqui musuyamahuun. Ascafiacun shinanquin isca huayamahuu, “Uhuun Ifo Diosin ua yonoa cuscacai un atiromaran,” ishon nannori shinanyamahuu, —ishon nocon Ifo Diosin Josué yoini.
Ua yoia isca huaquin, —Ratuyamahuu. Diosin mihuunoa fasi shinansharaiquin. Natian min nomuran shinansharahuu. Ahuarahuunoa shinain ratuyamahuu, —ishon ua yoia. Ua anori huaino un mua uncai afanan shaca fuai mutsa aima. Un muuquin shara huaquin un yoia isca huaquin, —Uhuun niaifon, mian mutsismana. Ascan mian yoipaiyai cuscan ua yoihuu, —ishon un cuma.
Nocon Ifo Diosin noco yonoa cusca nantifi nicasharacahuun. Ahuun tsain potayamacahuun. Ahuara maton nomuranshon mafin man shinain cuscan yoiquin isca huayamacahuun, “Nannorifi nocon Ifo Diosin noco yonoaquin,” ishon yoiyamacahuun. Un ahuun tsain mato yoia cusca aafin mato yonoa. Nan fusti tanasharacahuun.