Hechos 9:22 - Sharanahua: Diospan Tsain

²² Ascano Saulo Jesushuunoa fasi tapiquin finacoinni. Ahuun curushu Jesús inanni ahuunoa ato yoinon. Ascan cayacaficoin ato yoini, —Jesús Diospan Furun nocoqui nichiniran, —ishon tsoa futsacai anori yoiaiton nicayomisifoma. Ascaiton shinancaquin, —¿Ahuuscashocaicon na nocofunun tapicoianmun? —ishon ahuun caifoan Israelifoan shinannifo.

Hechos 9:22 Referans Kwoze

Hechos 18:5

Ascano Silas yafi Timoteori Macedonia anoashu aqui funifo. Nocoafono Pablonun Israelifo Jesushuunoa yoifoanfafaini. Nan fusti yoini. Ahua futsan yoinima. —Jesús Diosin catonni, nanton ahuun facuran, —ishon ato yoini.

Lucas 21:15

Ascafia unfi mato cayacafi yoimamaicain man ato cumasharanon. Uhuun tsain shara un mato nomuran nanumashquin. Ascano nan mato noicasmaifoan tsoan mato cumayamafain matori tafitirofoma. Ascashori tsoancai anorimaran mato huaima.

1 Corintios 1:27

Nanfoan shinancai man ahuama. Ascafia Diosin mato catoan tapicanashu chipo rafipaitirofo. Shinanfo isca huaquin, —Nonfin ahuamamishti huatiroquin. Jesús icoinra huafoan futsa futsa huaquin shinantiroforan, —ishon shinanfo. Ascatari yoiafo isca huaquin, —Non shinantiro cuscacai afoanri shinantirofoma, —ishon yoiafo. Anori shinanfiacashon chipo tapitirofo Dioshuunshon non ahuamamishti huatiro cuscan. Tapicanashu rafipaitirofo.

Hechos 28:23

Ascatan —Non chipo mifu ichanantiroran, —huanifo. Ascano yora ichaparasi Pablo icano funifo nicacani. Funamanri yoitiashon ato yamu huani. Upa Diosin iquinaino ato yoifain Moisés cununi cuscan yafi Diosin ahuun yoishomisi futsafoanri Jesushuunoa cununifo cuscan ato icoinra huamapaiquin.

Filipenses 4:13

Cristo ahuun curushu ua inainton nan curushhuunshon ahuara ahuu cuscararan futsan un atiroquin.

Hechos 17:3

—Cristo noco omitsiscashoni. Naafiacun funimani. Jesushuunoa un mato tapimai nanfin Cristoquin. Upa Diosin catonni nocoqui nichishquin, —ishon Pablonun ato yoini.

Génesis 49:24

Nansca huafiaifoan Diosin ahuamamishti huatiro cuscan nanton José mutsismananocai tsoan ahuusca huatiroma. Diosin José cushusharacoinmisi nan noicasmaifoan ahuusca huanonfoma. Nanfin uhuun Diosiquin. Aicho Diosin min ahuamamishti huatiro. Aicho Diosin nonfin Israelifoquin. Min nocon cushumisicoin.

Salmos 51:13

Min ua asca huainofin min tsain nicacasmafo un yoisharatiroquin mia tanasharanonfo. Ascashon aton chaca shatufain miqui nasononfo.

Hechos 9:20

Anoashu ichananti pushu ano nocoshon ato yoini isca huaquin, —Jesús Diospan Furunquin, —ishon ato yoini.

Hechos 9:21

Nicacani mustairinifo. —Ahuuscaquitsi Jerusalén anoa Jesús tanamisifo ato chaca huafain. Nunoari ahuun tanamisifo munushushon nocon yorafohuunshon Dios cufimisi niaifofoqui ano iyonon natianrifi, “Jesús Diospan Furunquin” noco huaiquin, —icashu yoinannifo.

Hechos 9:23

Ascano shafa rananun ichananshon Israelifoan shinanpainifo ahuuscashomain Saulo rutumatirofoquin.

Hechos 9:27

Ascafiaino Bernabé icoinra huacoinni Saulo tanasharacun. Ascashon Jesús fu rafumisifo doce ano iyoni ahuunoa shara ato tapimanon. —Damasco fain caquin Saulo ano caiton nocon Ifo Jesús oian. Ascano Damasco anoshon noco Ifohuunoa ranotama ato yoifafainiran, —ishon ato yoini.

Gálatas 1:18

Ascano fari rafu non fusti finonyotan un Damasco anoashu ari cani Pedro oinpai. Un quince oshatan un afu iyoni.

1 Timoteo 1:12

Noncai Diospan Furun onanyopaonima. Ascashon un yoipaoni isca huaquin, —Jesuscai Diospan facuma. Aafin chanimisicoinquin, —un huapaoni. Ascashon ahuun yorafori un fasi ato omitsisca huapaoni. Un nocofunu fasi musucoin ipaoni. Un tapipaonima un Diospan Furucoin chaca huafiaquin. Un asca huafiaiton uhuun ramapaiquicai ua onaintimanima. Cristo Jesús ua noiquin ua shara huashofain ua tapimani ahuuscashomain un icoinra huatiroquin.